最近媽咪姐同班記者朋友傾開偈， 大家都話呢行真係唔易做！有二五就講起，一位行家有次知道「笨水」啱啱喺外地拍完嘢，趕返香港同老婆「醜女」慶祝生日，於是跟實男方，諗住追訪吓佢哋會點樣浪漫慶祝。


「笨水」見有記者跟住，三番四次想撇甩，但都係失敗嘅！最後佢竟然揸車駛去警署門口，再特登打電話入去報警，要警察出嚟幫佢截住記者喎。咁個行家見佢咁勞師動眾，覺得無謂令有正經事等住做嘅警察哥哥嘥時間，諗住落車影幾張「笨水」嘅相交差。點知佢只係企喺車頭附近影咗幾秒，「笨水」就忽然開車走，仲車到佢隻腳。嘩！好彩個記者閃得快，只係車到腳面兩秒，但都嚇到成個人彈起， 即刻踢吓腳，睇吓有冇事！
不過，坐喺車入面嘅「笨水」一於少理， 明知車到人，只係「哦！」咗一聲，就咁扭軚開車走人喎。你話係咪特登車人呢？媽咪姐就覺得應該唔會，但係咪要say句sorry，落車睇睇，問候吓呢？睇「笨水」平日俾「醜女」話晒事，好好先生咁款 ，估唔到可以咁無品囉！ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄