80年代憑一曲《陪著你走》熱爆樂壇的盧冠廷，近年退下火線，依然陪住大家走，不過是踏上環保大道。現年 61歲的他曾於 99年中預言千禧年地球末日，慶幸未有開口中，不過日本日前爆發駭人九級地震，海嘯、核洩接二連三發生，似響起地球滅亡戒備訊號，盧冠廷日前重申末日論，希望大家要正視地球暖化嚴重性，環保由我做起。　撰文：比華利

日本東北地區於本月 11日驚爆黎克特制九級大地震，核洩問題加劇，輻射已開始四散，人人自危。有網民推算 2012年 12月 1日是世界末日，記得早在 99年，杞人憂天的盧冠廷已很擔心千年蟲攻擊電腦系統，會導致核彈和導彈亂射搞到世界末日，不過千禧年至今已過了 11年，世界相安無事。不過，日本這次嚴重大地震，令地球再次響起警號，專家緊急呼籲大家要注意環保，防止地球暖化，盧冠廷希望大家立即坐言起行，出手救救地球。

放大圖片
盧冠廷在西貢經營的有機商品店內的日本鹽，日前也掀起搶購潮。

盧冠廷在西貢經營的有機商品店內的日本鹽，日前也掀起搶購潮。

放大圖片
現年 61歲的盧冠廷奉行環保生活，多菜少肉下，樣子看去較真實年齡年輕。

現年 61歲的盧冠廷奉行環保生活，多菜少肉下，樣子看去較真實年齡年輕。

「唔環保死路一條」

盧冠廷早有先見之明， 2000年在西貢經營綠色生活專門店，專售有機物品，全力推廣環保訊息。他日前在店中接受訪問，談到日本核災失控危機，他激動地說：「呢次地震唯一好事係令全人類醒覺，係好大嘅 wake up call，地震同二氧化碳有好大相關，地球暖化，溫度提高，冰川融化，海平面上升，全世界地殼就會急劇變動，情況會越嚟越嚴重。」阻止地球暖化，盧冠廷堅持大家日常生活要遵行環保，他說：「永遠唔會話遲，就算全人類死剩一個人，佢都要開始環保。」他認為環保要先由個人做起，他說：「大家可以揀鍾意做嘅先做，最理想當然係進行垃圾分類，但呢個好難，每個人每日必要冲凉，冲親就要燒煤，大家變相做幫兇，製造空氣污染，講起就一把火，知唔知空氣污染會死人，冲涼最好唔好多過半個鐘，咁樣既慳水又節約能源。」盧冠廷解釋天上的臭氧層可分隔污染物質，他說：「地下嘅臭氧層會直接對人類造成永久性傷害，人要識保護自己，先識點去保護大自然。人類係好脆弱，唔可以低估大自然嘅威力。災難會越嚟越頻密同嚴重，大自然響起自我清洗訊號，再唔環保就死路一條。」除了生活需要講環保， 96年發現自己患上化學物品敏感症的盧冠廷也堅持食得健康，他說：「盡量唔好食化學物質，要食得天然，切記每日 9份菜 1份肉，減少食牛肉，每個人吸收太多蛋白質都唔好，變相會流失身體嘅礦物質，令到骨質疏鬆，消化系統分解唔到呢啲蛋白質都會變成毒素。」

放大圖片
盧冠廷 08年舉行演唱會，當時他相約歌迷在 2050年、當他 100歲時，再到演唱會見證地球變化。　資料圖片

盧冠廷 08年舉行演唱會，當時他相約歌迷在 2050年、當他 100歲時，再到演唱會見證地球變化。　資料圖片

放大圖片
盧冠廷大力推介環保燈泡，既可慳電又可當手提電筒應用，一物二用。

盧冠廷大力推介環保燈泡，既可慳電又可當手提電筒應用，一物二用。

「 2050年係臨界點」

對於網友預計明年 12月 1日世界末日，盧冠廷否定說：「我唔相信。」他於 99年搶先預言千禧年末日，其後 08年宣傳演唱會時，卻改口預言 2050年才是地球末日，他說：「 2000年開始陸續有事發生，啲人話我黐線，家應驗晒， 2050年係臨界點，人類若及時阻止地球暖化，問題就可以解決。」盧冠廷也鬧爆在大亞灣興建核電廠，他形容這是威脅港人的「炸彈」，萬一發生事故，情況將一發不可收拾。盧冠廷呼籲港人若有意協助日本災民，首要忌去探訪，他說：「人哋屋企冇嘢食，仲去人哋屋企做乜。好唔明白港府點解到呢一刻只係發出紅色外遊警示。」

放大圖片
前年盧冠廷曾主持節目《智慳任務》，呼籲大家為地球出一分力。　資料圖片

前年盧冠廷曾主持節目《智慳任務》，呼籲大家為地球出一分力。　資料圖片

放大圖片
盧冠廷和太太唐書琛同為推動環保不遺餘力。　資料圖片

盧冠廷和太太唐書琛同為推動環保不遺餘力。　資料圖片

暴雨襲港不容忽視

香港雖算福地，發生地震機會甚微，但天災還是無可避免，他擔心香港高樓大廈密集，如果發生連場暴雨，山泥傾瀉的損毀不容忽視，他說：「只要連落兩星期暴雨，山崩起嚟就玩完，大家真係要注意環保。」此外，盧冠廷多年致力推廣環保，就算經營有機商品也不為謀利，雖然店中商品絕不便宜，但老闆盧冠廷指生意只是收支平衡，他說：「呢啲係良心企業，良心係唔值錢，間舖冇錢賺，僅夠維皮同出糧畀員工。」

短期不入日本貨

日本爆發世紀大地震，引致核洩漏，令全球恐慌，不但日本當地國民搶購食物，就連港人都引起搶購日本奶粉潮，其他珍珠米、鮑魚和元貝連日都被掃空，日前有傳食鹽含碘防輻射，竟也有本港巿民到超級巿場瘋狂搜購，盧冠廷在西貢經營的有機商店中發售來自沖繩的海鹽也成搶購目標，貨架掃剩幾包。

推介燈泡電筒兩用

盧冠廷的有機商店出售的天然食物和用品分別來自世界各地，以歐美居多，日本只佔十分一，就算日本出口食品一旦受輻射影響，也不會影響貨源供應。盧冠廷說：「我哋採購返嚟嘅日本貨，主要係食材，有豉油、海鹽同零食，保存期都有限，賣完就算，短期內都唔敢入日本貨，我都擔心核輻射污染食品。」為了配合顧客不同需要，店中貨品經常有新產品推出，盧冠廷近日隆重推介的是賣 290元的環保燈泡，他邊示範邊說：「呢個係香港生產，佢既係燈膽，拉出嚟又可變電筒照明，叉足電可以維持 3個鐘，環保又實用。」

後記：昂貴豉油保健康

小記訪問完畢後，在有機商店內細看貨架上食品時，盧冠廷推介買每支 95元的有機日本豉油，到底有甚麼好？他解釋有機豉油比普通超巿賣 10多元一支的平價豉油有益，開宗明義貴在食得健康，小記馬上明白沒錢真是萬萬不能的永恆「真」理。


盧冠廷指日本世紀地震是地球響起警號，大家要坐言起行推行環保，阻止地球 毁滅。　攝影：葉君海

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄