本周三（21日）下午1時，周家蔚與洪天明到達W酒店，準備為當晚的婚宴打點。兩人一同穿上豹紋新波鞋，襯到絕。

娛樂圈喜事多！結婚、大肚、生仔娛樂新聞未斷過。
洪天明與周家蔚呢一對，本周三（21日）終於假W酒店舉行婚宴。成龍、譚詠麟、劉德華和張學友紛紛到賀，洪天明正式告別單身做老襯。
雖然係天明結婚，不過焦點卻落在兩位「阿媽」度。當晚洪金寶卻手拖正印老婆高麗虹以主人家身份高調進場，企定定俾記者影相。高麗虹一副洪家奶奶姿態，天明韓籍生母反而低調秘密入場，兩位「阿媽」喺洪家地位，顯而易見。
老爸雖然唔識做，不過一向孝順的天明一早安排好。據知當日韓籍生母及後母高麗虹一樣有新抱茶飲，氣氛仲好平和。


一向形象花弗的洪天明終於做老襯，本周三迎娶06年港姐亞軍兼最上鏡小姐周家蔚，晚上八時半在W酒店舉行律師證婚。晚宴會分兩晚舉行，首日先招呼親戚及貴賓，隔日（23日）再大宴親朋。屆時兄弟姊妹團才出動，包括唐文龍、林文龍、錢嘉樂、湯盈盈、梁靖琪、姚樂怡及陳倩揚等，大玩一晚。
婚宴分兩日搞，明顯是不想得失親戚同貴賓，所以將一班癲喪兄弟姊妹同貴賓分開。知情人士透露：「大哥大（洪金寶）咁多朋友貴賓，點可以同天明班癲嘅兄弟姊妹同場呀，好失禮㗎嘛。不過天明一向好尊重佢老竇，但又想自己嘅婚禮可以癲番晚，所以先分兩晚搞。」

兩奶奶同飲新抱茶
周三晚到賀的親戚貴賓當然不可以得失，不過天明心目中最不想得失的，是兩位「阿媽」。在天明安排下，當晚並無發生不愉快事件，反而氣氛平和。知情人士說：「大哥大（洪金寶）冇迫天明一定要斟茶俾高麗虹，反而係天明堅持要斟茶。天明話兩個阿媽都要尊重，所以兩個都有得飲。」據知當晚兩位阿媽同坐主家席，不過就零交流。知情者續說：「當晚天明韓籍阿媽曹恩玉同高麗虹係同坐主家席。曹恩玉始終係親生阿媽，同大哥大都生咗四兄妹，點計都要坐主家席，不過兩個阿媽就冇乜交流。」

天明生母招呼親友
據知，當晚大哥大全晚只係拖住老婆高麗虹滿場飛，反而洪天明的韓籍生母一早低調入場，在場內只忙於招呼韓籍朋友。至於新娘周家蔚則好識做，與兩位奶奶都有商有量。大哥大愛高麗虹多一點並不出奇，當年（1991） 有傳因高麗虹介入，洪金寶同韓籍太太才離婚收場。據知天明韓籍生母為了不想傳媒焦點放在自己與高麗虹身上，即使屬半個主人家身份，都寧願低調入場避開記者，唔想搶了兩位新人風頭。親生阿媽的確用心良苦。

婚禮實況　紅酒杯杯清
穿上鮮紅中式晚裝的周家蔚，與洪天明周圍敬酒。據知天明揸住紅酒杯杯清，非常盡興。當晚天明筵開約二十席，酒席菜單以中式為主（小圖）。

洪爸爸有「飛屎」
雖然是洪天明結婚，但這晚的來賓幾乎都由大哥大洪金寶親自出面邀請。有個大哥大阿爸，天王巨星全部俾面出席，向一對新人送上祝福。張學友更講笑說：「洪天明夠膽結婚已經好叻仔。」譚校長就話：「佢哋點樣生仔，應該唔使我教。」 ####


高麗虹高調現身
本周三下午1時許，新老爺洪金寶到達W酒店，更在門外派利是給記者。6時許，大哥大再拖住盛裝打扮的太太高麗虹現身，給記者拍照。


韓籍生母低調飲茶
洪天明的韓籍生母曹恩玉整日沒有公開露面。據知她在婚禮上非常低調，與高麗虹甚少交流。


送奶奶返屋企
晚上11時許散席，高麗虹拖住洪老太離開時對記者說：「我要送奶奶返去先，天明唔會落嚟㗎喇！」睇嚟呢位新抱深得洪老太歡心。


兩親家合照天明生母（右三）全程低調，不過婚宴期間，亦難得兩親家一同與新人影合照， 當時洪金寶旁邊站着正印高麗虹和前妻。


後母影相企正每次與來賓影合照，洪金寶都拉埋高麗虹（左二）一齊，反而天明生母就無份。


劉華影完相即撇劉德華呢晚都俾面到賀，不過佢同一對新人影完相就匆匆離開，唔通趕住返去照顧大肚老婆朱麗倩？


家英哥都飲酒阿姐汪明荃同家英哥食足全程，仲同一對新人碰杯，早前被傳病重暴瘦的家英哥，仲可以飲酒喎！


張學友


譚詠麟


劉德華


成龍


狄波拉、謝賢

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄