3月 10日 Mani親自送行
對足 5日，祖兒成功與 Mani修補關係。祖兒離開當天， Mani還親自送機，笑容滿面。
自把自為辣㷫 Mani　容祖兒赴美請罪
2011年03月18日
去年 9月，英皇娛樂經理人霍汶希（ Mani）向公司請假到美國讀書，英皇只得吳雨獨撐，一姐容祖兒即時作反，凡事自把自為。
她除堅持用自己的構思拍 MV，出席活動又狂甩底，之後自誇無 Mani幫手都搞得演唱會有聲有色，更欲捧身邊愛將代替 Mani地位，當一手捧紅她的恩師冇到。據知 Mani收到風後㷫爆，更決定結束假期，於四月回英皇坐鎮。 Mani即將回歸，祖兒聞風知驚，上周單拖遠赴紐約請罪，番 Mani。真係早知今日，何必當初！
英皇藝人管理及唱片部總監霍汶希（ Mani），去年突然申請半年假期赴美進修，令人不禁懷疑 38歲的 Mani想借機收山嫁人。據知 Mani老遠走到美國，其間有上短期英語課程，但主要目的是箍實富貴男友。「 Mani男朋友經常要到大陸同美國做生意，兩個人好少見面。加上男友唔鍾意佢做呢行，覺得佢好辛苦好大壓力，所以 Mani把心一橫向公司請假，過美國陪男友之餘，順道放吓假，但佢從來冇打算唔撈。」


煙繼續扯
送完機， Mani上車前不忘扯煙。
 
從前祖兒同 Mani十足孖公仔，不過自從 Mani去了美國，兩人關係瞬即有變。

離港即作反
99年 Mani帶祖兒入行，兩人曾經 friend過打 band，但自祖兒變成天后，想有更多自主權，兩人便漸有分歧。去年 Mani離港進修，祖兒即時事事自己揸主意。她先在自己歌曲〈破相〉 MV中堅持以素顏恐怖 look示人，結果 MV效果驚嚇奇差。她又不理公司勸喻，無故缺席已接下的雜誌和雪碧榜頒獎典禮，要大哥吳雨幫她補鑊領獎，相當大牌。
由於祖兒在英皇地位崇高，除了 Mani之外，根本冇人管到佢，所以近來祖兒要放兩個月大假，亦冇人敢阻止。不過最令 Mani心淡的，是祖兒去年舉行《 Joey Yung Concert Number6演唱會》，向人自誇唔使 Mani都搞得掂。


3月 5日助手接機
為了番 Mani，祖兒單拖坐 16個鐘飛機飛到紐約。話晒半年冇見，但 Mani只叫助手揸車去機場接機，難怪祖兒一臉無癮。之後車子直駛 Mani位於 Brooklyn區的住所。其後 3日兩人都沒有外出。
 
3月 8日孖住行街
直至上周二（ 8日）早上 11:30分，素顏 Mani和淡妝祖兒終於出動。兩人和一男一女友人步行 15分鐘去附近餐廳食午餐，其間兩人雖有傾談，但未見笑容。
 
飯後祖兒不時要求停低影相，結果短短路程行足半粒鐘，此時兩人均有笑容，關係已見緩和。
 
3月 9日繑手夜蒲
翌日晚上 10時，兩人再次出動，到 Mani住處附近蒲吧，當晚祖兒（左）繑實 Mani出巡。

心軟原諒
知情人士說：「祖兒以往開演唱會，都係 Mani同佢搞，上年個《 Joey Yung Concert Number6演唱會》冇 Mani係度，佢就自己一個人話事，結果搞完好多人讚，佢就好得戚咁話『唔係一定要有 Mani至搞到演唱會，我自己一樣得！』所以喺嗰 12場個唱入面，祖兒連霆鋒都多謝埋，都冇提過 Mani，簡直當佢冇到！」
祖兒當 Mani冇到不突止，早前更游說公司，擢升與她關係友好的演唱會部總經理 Alex Fung，取代 Mani位置，不過最後唔成功。知情者說：「 Mani雖然係紐約，不過佢咁多線眼，點會唔知。佢除咗嬲，仲好失望，佢估唔到祖兒會咁對自己。所以佢決定提早回歸， 4月返英皇主持大局。祖兒一收到風就好驚，於是即刻訂機票去紐約 Mani。」
上周本刊直擊祖兒遠赴紐約，住在 Mani家中，經過連日發功，祖兒終於番 Mani。知情者說：「咁 Mani見佢肯認低威都心軟，話晒祖兒都係佢湊大，況且佢係公司吸金王，將來重要合作，不過 Mani已經冇以前咁信佢！」
美國住豪宅 


Mani留美期間一直住在 Brooklyn區的高級住宅 Edge。該豪宅面向無敵海景，會所更有 Gym Room和室內泳池，提供套房及一至三房單位。 Edge並冇租盤，三房單位市值 174萬美金（約港幣 1千 4百萬），屬豪宅級數，相信此處為 Mani男友所有。
唔多謝 Mani


在去年個唱中，祖兒完全冇多謝 Mani，尾場仲扮神秘話：「好想多謝一個人，不過佢今晚嚟唔到。」點知原來係霆鋒，此舉令 Mani心淡。
MV嚇鬼 


〈破相〉 MV由祖兒親自度橋，點知效果劣評如潮。事後她自嘲造型嚇鬼，但轉個頭又話覺得冇問題。
捧自己人 


祖兒與公司演唱會部總經理 Alex Fung勁啱嘴形，難怪 Mani唔喺香港，祖兒即推薦 Alex Fung上位，希望他取代 Mani位置

容祖兒自作主張得罪經紀人 赴美請罪討好對方

容祖兒與經理人霍汶希是好姐妹
去年9月，英皇娛樂經理人霍汶希(Mani)向公司請假到美國讀書，英皇只得吳雨獨撐，一姐容祖兒即時作反，凡事自把自爲。

她除堅持用自己的構思拍MV，出席活動又狂甩底，之後自誇沒有霍汶希幫手都搞得演唱會有聲有色，更欲捧身邊愛將代替霍汶希，無視一手捧紅她的恩師。據知霍汶希收到風後十分生氣，更決定結束假期，于四月回英皇坐鎮。霍汶希即將回歸，容祖兒聞風十分擔心，上周就獨自遠赴紐約請罪，討好霍汶希。真是早知如此，何必當初！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄