嘩！近距離見到林書豪，原來佢高媽咪姐差唔多兩個頭呀！即刻影番張相留念先。

自球王佐敦退休後就無睇過籃球賽嘅媽咪姐，近期冒住變「熊貓」嘅危險，都keep住睇NBA。為嘅，梗係林書豪啦！為咗顯示對Lin Lin嘅熱愛，早前媽咪姐仲同now Sports嘅攝製隊齊齊走咗轉紐約，現場為佢打氣。Yeah！中國人梗要支持中國人！


老實講，林書豪依家貴為人氣球員，真係唔易埋身， 但媽咪姐有幸同佢有近距離嘅眼神接觸，同大班記者一齊聽佢講嘢，就感覺到Lin Lin絕對無恃寵生驕！事關佢講嘢斯文，唔會指手畫腳，仲不時停低思考，好認真咁回答問題。見到媽咪姐攞住個iPhone影佢相， 仲特登望吓鏡頭笑一笑，nice到爆呀！大家係咪好羨慕呢？依家now Sports送出5大林書豪限定精品俾《忽周》讀者（媽咪姐有份喺紐約揀㗎！），等你可以着住Lin tee睇Lin Lin點樣奮勇上籃，爭取四連勝！Goal！Goal！Goal！


媽咪姐去「Cafe 31」試過依家最hit嘅Lin-wing，又同林書豪住埋同一間酒店（W Hotel）！前者盛惠港幣85蚊，其實即係Buffalo雞翼，酸甜辣味齊晒；後者喺正金融區，望到911遺址，方便見Lin亦方便遊覽呀。

點攞精品？
只要寄信去將軍澳郵政信箱65222號，信封面註明「我要林書豪精品」，並附上回郵信封，就有機會得到林書豪限定版1+2情侶tee、3毛巾、4手帶及5貼紙一套，數量有限，先到先得，快呀！

原來佢好cute！
####


Lin Lin，永遠支持你呀！


1


2


3


4


5


最近Lin Lin拍咗條片放上youtube，只見戴住煲呔嘅佢，喺圖書館帶波，又扮嘢撞跌女同學，乖乖仔都可以好搞笑！


然後，林書豪自爆最愛賽前午睡叉電，仲配埋鼻鼾聲㖭。係呀！嚟緊嘅周日、周二同周四都有Lin Lin嘅賽事，記得開電視睇now Sports捧場喎！



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄