在兩場廝殺辯論中，準特首唐英年、梁振英和何俊仁埋身肉搏，結果兩場鬧劇均令三個人在民調中支持度下跌，三個人都是輸家。3．25選舉，有機會與藝人投票結果一樣，流選收場。
3．25特首選舉星期日舉行，經過一輪泥漿式摔角加自殺式突襲，準特首唐英年、梁振英和何俊仁，還有三天，便要步入生死一刻。
今次特首小圈子選舉，你我他雖然睇到火滾摩拳擦掌，無奈都冇份投票。不過，正如唐唐話齋，香港核心價值之一就係有言論自由。3．25選舉前，《忽周》公平、公正、公開訪問了53位藝人，在冇人講大話之下，一人一票揀選他們心目中的特首人選。
結果投白票竟然過半數，梁振英排第二，塘邊鶴何俊仁排第三，臨尾發力的唐唐，sorry，又包尾！咁多藝人投白票，小圈子選舉不得民心，可見一斑。

藝人支持流選

縱使有藝人不想惹麻煩而拒絕投票，但本刊仍成功訪問53位藝人，當中只有唔夠一半的藝人會投票給三位準特首，而過半數藝人堅持投白票，不少藝人表明希望今次特首選舉會流選洗牌再嚟過。

撐梁振英

撐唐英年

撐何俊仁

投白票

 
特首選舉從泥漿摔角，演變成互揭陰私，最後更降格至潑婦罵街，原以為沉悶的兩場埋身肉搏辯論，卻出乎意料極具娛樂性，即使市民冇選擇權，但依然睇得痛快，笑得開懷。

 

藝人鬧爆小圈子
理應嚴肅的特首選戰變成一場鬧劇，唔使長毛梁國雄提醒市民，都知這次只得1,200個選委的小圈子選舉制度，並無代表性。因此港大民研總監鍾庭耀，便會在3月23日（星期五），舉行一個全民選特首的影子選舉，讓七百萬市民投票。本刊今期亦成功訪問53位藝人，當中有不少人鬧爆今次的小圈子選舉欠公信力。在電視劇做慣警察的謝天華說：「依家得1,200人投票，我哋又冇得揀，變咗成件事好似唔關我哋市民事囉！最好就梗係一人一票啦！」而本身是區議員的白韻琹亦說：「支持一人一票普選，唔要官官相衞，更加唔要一個講大話嘅人做我哋特首！」

袁彌明：覺得CY係共產黨
在參選之初，原本民意一直領先的梁振英，在進入特首決戰一刻，突然遭唐英年投放23條防暴隊和商台續牌兩枚炸彈，使梁民調支持率即時下滑，跌穿四成。而本身屬選民力量，力撐唐英年的袁彌明亦毫無保留說出感受：「我覺得梁振英係共產黨員，驚佢當選會鐵腕治港，到時香港只會亂上加亂。而且我信唐英年講嘅嘢！」選戰發展至今，似乎對幾位候選人都真係揀唔落手，至於風水師麥玲玲則從唐梁二人的面相作分析，最後決定投唐唐一票，她說：「梁振英面相較單薄，福份差。雖然唐英年聰明才智唔及梁振英，不過從面相命格嚟講，佢一世夠運，香港會繼續keep住平穩。但若然梁當選，香港會有好多天災人禍發生。」

黃百鳴：提名唐唐唔代表揀佢
雖然成功偷襲死敵梁振英，不過大口洩密的唐英年亦唔好過。在爆大鑊後，唐唐縱使得到市民投信任一票，但同時亦令唔少人對他所餘無幾的形象大打折扣。更大鑊的是，唐唐今次自殺式報復，令不少選委決定「棄船」。本身是選委的導演黃百鳴對本刊表示：「原本我提名咗唐英年，不過依家會有保留，因為有好多黑材料、揭瘡疤嘅事發生，已經唔係單純嘅君子之爭。就算當日提名佢都唔代表依家支持佢，到最後投邊個都仲諗緊，唔會呢一刻揀住，希望到時自己唔好揀錯。」如此說來，黃百鳴應不會投白票，相信選舉前他相當頭痕。本刊今次訪問的藝人中，若不計投白票的，剩餘的藝人亦以支持梁振英較多。李司棋說：「其實唐唐理應有證據，先可以講梁振英有講過廿三條防暴隊同商台續牌嘅事。反而我見到梁振英面對指控嗰陣沉着應戰，佢有領導風範，所以我覺得佢較適合做特首。」

唐唐岳少嘆百萬紅酒
唐英年和林建岳老友鬼鬼，唐英年早年除乘坐對方私人飛機暢遊法國南部外，日前本刊得到兩張照片。照片中，二人與一班紳士名流在陽明山莊把酒談歡。當晚飲了由1979年至2004年共26支同一酒莊Chateau Le Pin共值過百萬的超級紅酒。

傳唐唐冧舒淇
有傳唐唐一直心儀舒淇，唐唐更邀請女方一同乘坐岳少的私人飛機，結伴出席康城影展。被問到與唐唐相熟，舒淇早前故弄玄虛表示：「係人欣賞我都開心。」

同遊澳門
07年本刊拍得唐唐與岳少兩家人相約到澳門遊玩，二人更在於直升機候機室咬耳仔密密斟。

高登網特首投票
3.25小圈子選舉如箭在弦，選舉前除了有今次本刊的藝人投票外，坊間亦有唔少自發性投票。在高登網站中，網友投白票佔六成，排第二位的是何俊仁，第三是梁振英，包尾又係唐英年。至於由有共產黨背景的學友社舉辦，有3,033名中學生參與的模擬投票中，有超過五成選梁振英（51.4%），唐英年排第二（20.2%），何俊仁則排第三（17.0%），而白票則有6.4%。

鄭少秋：何俊仁清白啲
至於一直得唔到阿爺眷顧的何俊仁，今屆特首之爭幾乎可以肯定係敗北收場。不過亦有藝人向他投以信任一票。鄭少秋說：「另外兩個都俾人爆咁多黑材料，相比之下，何俊仁應該清白啲。而且我覺得佢係真心為香港市民服務。」張兆輝亦說：「其餘兩個都爛，惟有揀呢個！」其實不少投白票的藝人更認為三位候選人都揀唔落，香港認真可悲。

再爆唐唐岳少密會
此外，「課外活動」一籮籮的唐英年，與老死林建岳同樣熱愛紅酒。相識多年的二人，更經常結伴外遊，如早年傳出岳少便動用私人飛機載唐唐到法國酒莊品酒。07年更遭本刊拍到二人帶埋家人到澳門暢遊。日前，本刊拍得展示於陽明山莊會所的兩幀照片。在其中一張相中，唐唐和岳少更站在一排價值過百萬的紅酒面前，笑意盈盈。咁老死，難怪當唐唐決定參選特首時，岳少便親自到會場造勢撐場。還有三日便到選戰日，兩場辯論鬥到火紅火綠的唐英年和梁振英，難得偷得浮生半日閒，番書仔唐唐繼續崇尚西化，堅持一日一杯咖啡提提神；相反自詡是香港仔的梁振英，每日食晏都要到酒樓嘆一盅兩件。不過未穩操勝券的他們，即使食包嘆啡依然心事重重，與七百萬硬啃特首的市民一樣咁愁眉不展。

3月21日唐唐落寞買咖啡
縱使在辯論中引爆炸彈，向梁振英來個絕地反擊，但黑材料纏身的唐英年，仍處劣勢。周三他做完商台訪問後，獨自到中環IFC買咖啡。沒有助選團在身邊的他，一臉落寞。

3月16日梁振英呆滯喫包
記者連日採訪，發現梁振英一到食晏時間，便會相約助選團到辦公室附近的酒樓嘆茶。雖然貴為準特首，但梁每次都沒有book房，與普羅大眾齊齊坐大廳。而他食包時，顯得心事重重。

大師開路
在商台接受訪問後，唐唐離開時巧遇剛入職商台的陳志雲，大師即醒目地為唐唐開路。

網民惡搞專攻梁振英
經過連月來特首選戰，雖然唐英年輸頭威，但梁振英亦冇尾陣。近日網民幾乎偏重惡搞梁振英，專攻他的負面新聞，一張她和葉劉變身成紅衞兵的設計圖片最搞笑。臨近3．25，梁的民望明顯大不如前。 ####


唐唐有證據咪攞出嚟


CY有領導風範


覺得CY係共產黨


CY當選會有天災人禍


梁、唐兩個都爛


何俊仁清白啲


三個都揀唔落


冇一個適合做特首


在53位藝人投票當中，三個準特首加埋都唔夠白票多，望到數字只可嘆一聲！


有幸成為1,200個選委之一的導演黃百鳴，坦言自己最初提名唐英年，但經過唐唐被揭連串黑材料後，他表示對投票有所保留，到現時仍未下定主意會投邊個。


唐唐和岳少密會嘆紅酒的陽明山莊會所，採用會員制，閒雜人等休想進入。


餐宴當晚，唐唐和岳少坐埋一齊，飲到面紅紅。


《蘋果日報》圖片


3033位中一至中六學生投票



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄