嬲爆爆check in 點知轉個頭，就見鼓埋泡腮嘅鄭伊健推住個喼加入。斷估兩個人都係去旅行，但點解個樣似去行刑多啲嘅？

「蒙麵」呢對老夫老妻，拍拖以來，經常被傳媒影到佢兩個周圍去。早排伊健喺一個推廣日本嘅活動上，突然一反常態，自爆會喺三月中同蒙嘉慧（Yo Yo）去東京玩幾日。而Yo Yo喺上周五（24/2）返TVB錄影新節目《三個女人一個墟》時，亦講明三月會去日本旅行，又話唔驚輻射影響生育，「都無諗過生，而且我都係去九州、大阪、北海道。」咦！明顯同男友唔夾口供，地點錯晒，有景轟喎！


果然，周六（25/2）媽咪姐入機場送囡囡機，就喺商務櫃位撞到佢哋check in喎！其實，兩人都拍咗拖成6年啦，之前本刊拍到Yo Yo跟伊麵返紅磡老家見家長，佢哋仲拖晒手，唔明點解呢日鬼咁避忌，喺機場都係各自拖喼各自行。伊麵發現媽咪姐後，就笑笑口、尷尷尬尬咁講：「去日本玩幾日啫。」以為放流料就可以瞞天過海？呵呵，可惜都係俾眼利嘅媽咪姐發現。做人都係光明正大好！伊麵，你唔係想做唐唐或者曾特首啩？


去到日本，Yo Yo忍唔住擺咗啲日本美食同風景相上網。咦！落雪喎，真係浪漫嘞。 ####


清晨7點幾，媽咪姐見到戴住眼鏡嘅蒙嘉慧，愁爆咁推住個大喼現身機場， 以為佢趕住去做嘢啦。


早前Yo Yo同記者講，佢同伊麵唔會特別慶祝情人節，好老夫老妻feel。呢日就見佢一個人抽起隻喼去過磅check in，鄭生無意識去幫手，兩個人的確非常之咁獨立。


見光笑晒一發現媽咪姐影相，伊麵唔多自然，反而蒙嘉慧連俾人check證件時都識笑！同之前嘅愁爆look係兩個樣。女人，時時刻刻都係咁需要被發現同被肯定嘅！


上年尾，蒙嘉慧跟鄭伊健返紅磡老家探阿爸阿媽，兩個人笑晒拖手，任影㗎！不過，佢最近話同伊麵有共識，唔生小朋友喎。鄭家兩老應唔應承㗎？



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄