有指鄭嘉穎拜祭戴思聰當日怕人認出，既戴上 cap帽，還加黑眼鏡同口罩，將個樣遮到 冚。
栽培過不少樂壇巨星的戴思聰，去年因急性冠心病引起併發症病逝，生前與愛徒鄭嘉穎的恩怨，成為無法解開的死結。
未有珍惜眼前人，恩師死後鄭嘉穎才痛定思痛，早前蒙住面拜祭戴思聰，並哭墳一小時，以淚懺悔。
遲來的歉疚，戴思聰愛女戴辛蔚不禁慨嘆：「點解佢唔早 啲行呢步！」遲做好過無做，若戴思聰泉下有知，應釋懷了。

淚流滿面

○六年，戴思聰與視如親子的愛徒鄭嘉穎，因為合約糾紛，被蒙上「樂壇吸血鬼」污名，近廿年的師徒關係從此決裂，不相往來。戴思聰更因名譽受損而一度抑鬱，令去年八月病逝的他含鬱而終，而他與鄭嘉穎的恩怨心結，在其回憶錄中亦有記載。
未能趁恩師在生之時修補關係，更對恩師患抑鬱症不聞不問。直至戴思聰魂歸淨土，悔不當初的鄭嘉穎為彌補過錯，曾公開說：「會搵適當 嘅時候去拜佢！」據了解，他在戴思聰病逝的三個月後，去年十月偷偷走到恩師擺放骨灰的龕堂善緣拜祭，並在靈前懺悔，痛哭超過一小時。
據目擊者稱，當日到場拜祭的鄭嘉穎怕被人認出，不單將 cap帽拉低，且戴上黑超及口罩，以一副「蒙面超人」裝備，在一名女助手陪同，手拿一束鮮花現身。鄭嘉穎由職員帶到戴思聰安放在三樓的靈位，起初他不肯脫下蒙面裝置拜祭，但不到五分鐘，已哭成淚人，拿出紙巾抹眼淚鼻涕時，被迫除下口罩，才給人認出。


戴蘊慧及胞妹戴辛蔚知道鄭嘉穎曾哭祭父親，異口同聲稱已原諒對方，跟鄭嘉穎關係和好。


戴思聰骨灰安放於屯門，屬高檔骨灰龕堂的善緣，且有傳其靈位要八十萬，屬家族靈位。
解開心結
當日目擊者爆料：「雖然鄭嘉穎有女助手陪住到，但佢吩咐對方企 喺骨灰龕樓下把風，得佢一個人上去拜祭。佢望住戴思聰個靈位鞠個躬，無幾耐就喊晒，仲一路喊一路望住戴思聰張相喃喃自語，好似同對方傾偈咁。雖然聽唔到佢講乜，但睇佢表情好哀傷。 啲職員見佢喊 咗咁耐，仲斟 咗杯暖水俾佢飲。當日佢逗留 咗超過一粒鐘先走。」
記者早前到善緣拜祭戴思聰，其間求證職員鄭嘉穎哭祭戴思聰一事，職員直認不諱：「鄭生早排係 嚟過！（記：聽講佢喊 咗成個鐘！）係呀。」不過當記者想再追問，職員馬上封嘴，怕講多錯多。
去年戴思聰喪禮，雖有不少學生如劉德華、黎明及呂方等以悼詞力證恩師並非吸血鬼，幫他「除污」，但解鈴還須繫鈴人，鄭嘉穎遲來的纖悔，總算解開戴思聰的心鬱死結，獲戴家原諒。戴思聰幼女戴辛蔚知悉後慨嘆說：「早排一家去拜爹哋時， 啲職員都有同我 哋講。我同媽咪聽到後都覺得，點解佢唔早 啲行呢一步？若然趁爹哋在生和好，可能結果會好唔同，唔使佢生啃罪名，又抑鬱要睇心理醫生。（戴老師生前係咪好希望聽到鄭嘉穎道歉？）係 o架！佢曾經想過搵嘉穎問清楚究竟發生咩事！但最後無做到，唔想節外生枝，又怕俾對方再傷害多一次。點都好，佢終於有心，我哋都好開心，對老師 嚟講當然好安慰同釋懷。」
 
 
戴思聰生前一直等待鄭嘉穎的道歉，最後要他魂歸淨土才能還心願。
 
善緣職員承認鄭嘉穎數月前來過，且逗留近個半小時之久。
 
去年戴家被傳媒影到為戴思聰到善緣揀靈位，沒跟戴家聯絡的鄭嘉穎得知後，即偷偷到善緣拜祭。

去年八月得悉戴思聰病逝後的鄭嘉穎，開工拍劇都愁眉深鎖。
邀請演出
至於曾發聲明，拒絕鄭嘉穎出席父親喪禮的戴蘊慧，亦終釋懷。「嘉穎去拜爹哋，我一 啲都唔覺得意外，只係無諗到佢 嗰日逗留咁耐。畢竟佢十五歲就跟我爹哋學唱歌，佢兩師徒感情其實好深厚，只不過當時佢身處是非娛圈，可能因為某種原因，先將老師 嘅恩情擱置。希望佢經此一役，識得珍惜身邊人。」
至於正在籌備的戴思聰紀念音樂會，戴家會否因此與鄭嘉穎冰釋前嫌，邀請對方演出？戴蘊慧說：「佢始終係爹哋 嘅學生，佢肯 嚟我 哋實歡迎。」師徒恩怨，終於一筆勾銷。
而身在內地拍劇的鄭嘉穎，對拜過戴思聰一事，在電話訪問中迴避說：「呢個我唔想講！（記：你係咪同佢家人好番？）人都死 咗，仲可以有 啲咩事！」說罷以埋位工作為由匆匆收線。


昔日陳曉東亦曾因合約問題，跟戴思聰鬧致僵局，至近年主動與恩師冰釋前嫌。去年他趕返香港奔喪，並全程陪住戴師母。


06年鄭嘉穎成樂易玲寵將，但跟恩師戴思聰就關係決裂。
 
鄭嘉穎懺悔，近日愛女戴辛蔚亦與他其中愛徒焯皓合唱出碟，戴思聰遺願終一一達成。
為錢反目
 
 
被譽為樂壇教父的戴思聰生前桃李滿門，與鄭嘉穎更曾以「父子」相稱。 93年鄭為感激戴老師包食包住照顧 3年，於是簽訂終生抽佣合約。其後鄭從台灣回流加入 TVB，躍升為一線小生，名利雙收的他，竟然為「終生抽佣」合約與恩師反目，令戴蒙上「吸血鬼」污名。有指戴老師一直為此耿耿於懷，影響健康，至臨終仍未能釋懷。去年戴老師長女戴蘊慧更以治喪委員會名義發聲明，拒絕鄭嘉穎出席父親喪禮，以免引起混亂，影響喪禮進行及家屬情緒。

鄭嘉穎以淚忏悔祭恩師 偷拜戴思聰哭墳一小時


鄭嘉穎
栽培過不少樂壇巨星的戴思聰，去年因急性冠心病引起並發症病逝，生前與愛徒鄭嘉穎的恩怨成爲無法解開的死結。

未有珍惜眼前人，恩師死後鄭嘉穎才痛定思痛，早前蒙面拜祭戴思聰，並哭墳一小時，以淚忏悔。

遲來的歉疚，戴思聰愛女戴辛尉不禁感慨：“他怎麽早不走這一步呢！”遲做好過不做，若戴思聰泉下有知，應該釋懷了。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄