30/11同場冷笑出事後陳嘉桓同師兄杜宇航一齊到台灣宣傳電影，但全程近乎零交流，擺明面左左。台灣《蘋果日報》圖片

橫店狼擒事件發生至今 3個多星期，狼男陳浩民榮升父親後閉關唔見人，而馬德鐘再被揭當街撩北姑、攬女床照亦被翻舊帳愈揭愈臭。
抽水男新聞日日新鮮，反而女主角陳嘉桓（ Rose）收拾心情專心拍戲，上週與被鬧冇在橫店睇實師妹的杜宇航，齊到台灣宣傳電影《競雄女俠秋瑾》時更重現笑容。兩師兄妹表面互相扶持，其實面和心不和。據知 Rose母親兼經理人 Ronnie（陳苑思）曾當眾拍 枱喝鬧杜宇航，加上師兄認為 Ronnie偏心令自己工作量不及 Rose，最終同門師兄妹決裂收場。

陳嘉桓涉被兩隻狼擒啜當晚，同樣身在橫店片場拍戲的同門師兄杜宇航亦有出席飯局，不過自稱第二朝開早，所以冇陪師妹趕下場，結果出事。事後兩人的詠春師傅冼國林亦忍唔住開口責備徒弟：「如果師兄唔係咁早走，就冇咁 嘅事！」



\'08曾經啱玩Rose同杜宇航早年感情要好，會一齊出海開 P，但今次師妹有事，師兄冇公開撐 Rose，只「簡單」喺微博表達關心（下圖）。

\'10師兄早過 Rose學詠春，又識長拳及其他功夫，但 Rose被搞竟然冇出手護花，真係抵鬧。

微博冷淡

早有心病



師傅收口冼國林（右）高調為愛徒開記招追究抽水男，咁啱上週爆出有黑幫想伏擊冼師傅，搞到一向敢言嘅佢亦收口唔再回應。

唔留低好好睇實師妹，要早起身開工只係藉口，據知杜宇航與 Rose一早有心病，兩人關係並非如外界所指般密切。
曾獲亞運長拳銀牌的 30歲杜宇航，早於 03年已拜冼國林為師學詠春，其後更得到師傅力捧，出錢開《葉問前傳》畀佢做男主角。 07年， 15歲 Rose加入冼門下，兩師兄妹初時感情非常要好，幾乎日日孖住返公司練拳，又會約埋食飯遊船河，當時杜宇航仍未視 Rose為威脅。

拍 枱鬧爆

本來識於微時感情深厚，但自從 Ronnie成為冼國林公司的藝人經理人後，杜宇航開始疏遠小師妹。據知性格爽直的 Ronnie曾經當眾辱罵杜宇航令其出醜，自此師兄便對 Rose兩母女不滿，人前要扮師兄妹，人後就極唔妥 Rose兩母女。
「 Ronnie嚟 咗之後，阿杜（杜宇航）就覺得佢偏心自己個女，猛幫 Rose接 job，但對自己就懶懶閒！有次阿杜搞 咗單嘢激嬲公司， Ronnie即刻叫佢返去照肺，仲激到拍晒 枱鬧：『你有冇搞錯呀……你咁樣好影響公司形象，你知唔知醜㗎？你有咩資格話自己係習武之人呀！』 Ronnie鬧爆阿杜，之後更將佢投閒置散，阿杜梗唔妥啦！」而 Ronnie至截稿前仍未回覆。

揭桓媽奇情身世

陳嘉桓母親 Ronnie（陳苑思） 16歲先後誕下 Rose同細仔後，因年紀太細唔識照顧，所以將一對仔女交畀家住元朗的姨媽姨丈湊，到 Rose12歲時才接回與自己同住。
據知 Ronnie與 Rose生父 Jacky係中學師兄妹，兩人在女兒 3歲時分開，不過離婚後仍有保持聯絡。「 Jacky讀完書之後喺荃灣開 咗間鋪仔賣手機，生意都唔錯，嗰時 Ronnie搵唔到錢都有叫前夫接濟，當時都有畀兩父女見吓面！後來 Ronnie識 咗個有錢佬，個女又入 咗行，佢驚咁複雜 嘅背景影響到個女，咪叫嘉桓盡量唔好見老豆囉！」家 Rose身世公開晒，可以明正言順一家人食飯啦！



Ronnie上週自爆與 Rose母女關係，更全天候傍實愛女返內地拍戲，兩母女齊心防狼。

《壹週刊》圖片

生父係素描大師

現年 38歲的陳父 Jacky陳英傑（譯音），又叫陳積奇，曾開鋪賣電話，現時則賣明星素描，又與朋友開時裝店賣女裝。自「狼擒」後，他已將有關 Rose的微博刪除， Rose細佬的微博更成個鏟走，避免再被起底。



潮父滑水38歲 keep得好好嘅陳父經常滑水騷肌，潮爆！

畫功掂陳父畫素描有一手，除咗畫阿女似模似樣，微博亦有佢畫其他星嘅作品，唔少人都讚佢畫功超掂，佢仲自稱有粉絲添！


細佬唔聽話

比 Rose細兩歲的細佬小黑（花名），與家姐一樣高高瘦瘦，現時仍讀緊中學。小黑與父親同住，兩父子感情好好，小黑連拍拖分手都會同老豆講，但陳父不時呻個仔唔聽教，要佢勞氣！



餅印父子Rose細佬 17歲愈大愈似老豆，兩人不時父子裝上陣，餅印一樣。

吞劍氹女為氹 Rose開心，兩父子齊齊吞劍。

細佬爆肺「黑仔」上月因為做掌上壓搞到爆肺入院，家姐又慘遭狼吻，兩姊弟認真當黑。

微博鬧仔陳父成日喺微博呻細仔難教，又話佢成績唔好，單親爸爸的確唔易做。
 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄