馮美基說：「我一生人都好似 啲人咁講，好運氣。」
入無 綫掌管藝員部，是劉天賜找她；寫食譜、出烹飪書、開餅店，是朋友提議；離婚十多年，五十六歲遇上現任丈夫，兩年後結婚，是緣分；○二年退休，今年六十七歲，她「復出」主持飲食節目，是陳志雲邀請；即使當年的周星馳都是自動送上門，由馮美基一手將他帶離《 430穿梭機》，才有機會拍《蓋世豪俠》上位。
身為基督徒的馮美基說：「我一世人做 嘅 嘢，都好似係上天 plan咗俾我。」

以「麵」換「星」



上週五，鄺美雲珠寶店開幕，合照時，鄺美雲（右）及殼王陳國強（左）均讓出中間位置給馮美基，可見她的江湖地位。

一直以來，馮美基都沒有想過畢業後要做什麼工作，入讀香港大學英文系時，有人問她的志願，她說：「求其、冇所謂。」大學畢業後，馮美基打過幾份工才入無 綫，是周梁淑怡介紹。之後離開進軍廣告界。八四年重返無 綫，是劉天賜找的，她的 post是藝員經理，相當於現在的樂易玲，「公司想 start一個新 嘅電視經理人部門， 嗰陣時周潤發已經講 咗話走，佢當時好紅，雖然係票房毒藥，哈哈！公司已經栽培緊『五虎』，出面又有人撩佢 哋走，咁點留住佢哋呢？就不如包薪。」重返無 綫的日子，是電視圈最黃金的年代，有「五虎」、劉嘉玲、周星馳等。



馮美基碌人情咭，請了劉嘉玲（右）做《 May姐有請》嘉賓。

提起昔日往事，馮美基至今難忘，例如鄭伊健，「佢好靜、冇乜出聲，但我覺得呢個可愛樣 嘅鄰家男孩好有潛質， 嗰陣時李添勝剔 咗佢，咁我就要搵角色俾佢。」剛好周星馳亦同時出現，「周星馳搵過我幾次，佢話：『唉！梁朝偉又出 咗 嚟啦，邊個邊個又出 咗 嚟，我仲 喺《 430穿梭機》，都應該出 嚟，但監製唔俾我出，我同監製周旋 咗好多次，監製話佢冇人。』」最後馮美基就以鄭伊健換周星馳。周星馳出來後，準備入《歡樂今宵》前，他主動跟馮美基說：「我鴛鴦眼，我要整眼。」馮美基看過時間表，夠時間消腫，誰不知吳雨一個來電，所有流程改晒，「我話唔得，佢就話：『咩唔得呀！唔得就唔好 嚟呀！』於是我又打去問周星馳隻眼消腫未，冇辦法，用化妝 嚟遮。後來拍《蓋世豪俠》，導演叫做李力持，佢同李力持兩個啲火花直情癲晒，咁就紅 咗，都係佢自己本事，同我無關。」



○七年，新書《最愛，宴客》舉行發布會，好友狄波拉（左）與老公鬍鬚 Kong（右）齊齊撐場，梁智鴻（右二）亦有出席。

任達華亦是馮美基帶入行，二人是拍廣告認識，然後介紹他入無 綫，八四年爆紅劇集《新紮師兄》，任達華飾演的奸角「韓彬」亦有口碑，但其實當初他根本不想演，「佢覺得咁樣以後就翻唔到身，我同佢傾 咗好耐，但 嗰陣時我係好難說服到佢，都 嘥 咗好多口水，卒之佢肯做。」

黃金年代

多年來從事幕後工作，從來沒有想過走到幕前，今次應陳志雲的邀請做飲食節目、教煮 餸，講飲講食，「有幾次陳志雲同 TVB啲舊同事 嚟我屋企食飯，佢話：『咦，你可以做個電視節目喎。』大家一齊傾 咗好多個月，但我都好唔習慣，因為我唔係幕前人， 喺有線或者無 綫，就算講句恭祝公司 happy birthday，我都講到打晒結， take幾廿次，忽然間你叫我做 啲咁 嘅 嘢，仲好笑，好在佢 哋搵 咗曾華倩幫手，我又覺得係一個新嘗試。」
曾經在 TVB工作的她認為 TVB是個強大的 back up，「而家佢 哋一個人做好多 嘢， end up個節目，好多 嘢係我自己做，譬如佢 哋搵 咗個人幫我買材料，返到 嚟，喂！隻紅蘿蔔同隻青瓜肉酸到呢！我要 啲 嘢係靚仔。」

 



馮美基人生第一個焗爐是一個士兵太太以一百元讓給她母親，沒有焗爐前，她所製的蛋糕都是蒸的。

馮美基說父母教她做每一件事，都要盡力做到最好，所以每當鑽研新菜式時，閒閒哋要試十次，「食到我老公驚到呢，哈哈。」

機緣巧合

話知你點，馮美基早已退下火線，現在拍攝飲食節目只為玩票性質，與丈夫梁振邦享受人生才是她真正要做的，她形容與丈夫的戀愛，是「黃昏之戀」，「我都離 咗婚十幾年，一路十幾年都係單身，不知幾開心、十幾年間我都碰到好多人，但就完全冇結婚衝動，但撞到佢，呢 啲係緣分，我諗又係上天安排。」二人拍拖兩年便結婚，之後馮美基提早退休，○二年辭去有線節目部執行董事一職。



與現任丈夫於○一年低調結婚，排期註冊當日，因另一亞視藝員也在沙田婚姻註冊處結婚，所以被記者撞破。

吃喝玩樂幾年後，每次請朋友到家食飯，朋友都問「呢個 餸點煮？ 嗰個 餸點煮？」於是朋友提議幫她出雜誌，之後結集再出書，現在開始籌備第四本。至於餅店亦是無心插柳，她說自小就是阿茂喜歡整餅，「又係運氣，我舊秘書咁 啱辭 咗工，佢又鍾意整 嘢食，於是我 哋一拍即合，就開 咗鋪。其實我又唔係咁需要賺錢，求其唔好俾我蝕本就得，哈哈。」



○二年，有線數碼新聞中心啟用，當年馮美基有份揭幕，還有當年的特首董建華（右二）。

廿年前仍在 TVB任高層的她，與港姐陳法蓉（右）在公司活動中 social。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄