我係 K姐！（設計對白）

有獎照攞，但 Eason陳奕迅一早講明要放假，唔出席嚟緊音樂頒獎禮，加埋有咗嘅楊千嬅，四台頒獎禮少咗兩員中堅，不過，一切照舊，遊戲繼續。上星期六（十二月三日），商台吹雞為叱咤搞拉票活動，大會規定歌手要扮自己鍾意嘅偶像現身，計現場反應，扮《天若有情》劉華嘅周國賢最好，但講到心機，八珍俾個 like謝安琪。



話自己扮緊麥當娜，容 Joey自己都笑到變孖膶腸。

阿 Kay當日扮憑《桃姐》攞獎攞到手軟嘅葉德嫻，由打扮到髮型，都影印一樣，阿 Kay仲連對方鍾意「木」住個嘴嘅小動作，都抄到十足。
肯花心思仲落齊料，阿 Kay竟然問憑《誘僧》，得過第三十屆金馬獎「最佳電影音樂」嘅韋啟良「班」咗個堅獎座做道具，真係估佢唔到。
形神俱佳，贏晒容祖兒、何韻詩！即係咁，個人之見，謝安琪不妨考慮多啲接戲，有機會拍埋電視劇仲好，爭取更大空間，隨時有機發圍。

A貨劉華周國賢跪低頒獎俾 A貨桃姐，睇吓謝安琪個「木」嘴，學足葉德嫻㗎！



 

Boy'z扮草蜢，扮蔡一智嘅 Kenny，長髮披肩，靚過唔少港女。



  

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄