上星期四（一日），一年一度嘅白松露慈善拍賣喺澳門新葡京舉行，馬賽、許亦妮同朱希敏過江做布景板，當中以啱啱喺台慶攞咗「飛躍獎」嘅馬賽最激，大 V大背加兩側通空，四面都見肉，一副戰鬥格。



唔嘥口水，四太梁安琪一出價就四百萬，白松露王到手。

不過，是夜主角始終唔係靚女，競投矜貴白松露，每口價十萬廿萬上；尤其係全場至巨型，頭咁大隻嘅白松露王，競爭最踴躍。
話說澳博行政總裁蘇樹輝吓吓舉，嗌到過百萬，坐隔籬嘅四太梁安琪都冇佢咁好氣，失驚無神幾級跳，一手舉起四隻手指，以四百萬擸走白松露王。
講真句，蘇總都係搞吓氣氛，製造高潮位俾事頭婆出場；風頭同銀碼掛鈎，四太郁手，大家都即刻剎掣，唔敢爭！

前後左右都見肉嘅馬賽出席慈善晚宴，不遺餘力。



 

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄