2/12店員將三大盒外賣送上車，熊黛林個樣尷尷尬尬，究竟係因為冇化妝，抑或怕《壹》仔話佢大食？

八珍脂肪纏身，見到熊黛林成日要陪城城打邊爐拆大閘蟹，都可以 keep住靚身形，得個恨字。適逢男友忙排舞準備開騷，熊黛林 嘅肚皮照計可以休戰，但上個禮拜五（十二月二日）晚，《壹》仔見到城嫂一個人揸車落大坑，買 咗三大盒壽司外賣，如果唔係大食積，就一定買定俾城城醫肚。

夜晚八點食飯時間，熊黛林零妝行入壽司店，落完 order行番上車等。《壹》仔上前影相，個樣有 啲尷尬但又大方笑，外賣到手後即刻開車返歸。
另一半冇時間陪自己，行街 shopping都係一個好嘅發洩辦法，星期一（五日）熊黛林又出動，先去皇室堡整錶，再殺落名店坊，不過是日城嫂見到《壹》仔即刻運路走，整乜咁神秘，買聖誕物俾城城咧！



冇化妝，熊黛林夜孖孖都戴黑超，遮一遮！

5/12

去到名店坊，熊黛林原本想入 Burberry，不過見到《壹》仔跟住晒，即刻運路走人。

响皇室堡行咗成個圈都搵唔到間錶店，最後要搵保安幫忙。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄