著到西裝骨骨上台做頒獎嘉賓，可惜講 嘢唔經大腦，事後藍正龍埋怨外界歪曲佢 嘅幽默，好老實，我笑唔出喎！\n

經常失言得罪人 嘅大 S前男友藍正龍，最近又有金句！
話說上個禮拜舉行 嘅金馬獎，佢同黃渤上台頒發「最佳攝影獎」，藍正龍打開信封，見到得獎人唔係自己老友，突然對住全場觀眾講：「這不準嘛！」

咁都噏得出，簡直無腦無品無禮貌，衰過屬龍蠢豬唐英年。被全城圍插，事隔 60小時，藍正龍終於肯扮矮仔道歉：「想了一夜，我除了在金馬典禮上向領獎人道歉外，在這我要再次向趙非老師（憑《讓子彈飛》得獎攝影師）道歉。」
隨口噏得罪人早有前科，之前拍新劇《幸福三夥星》，公開叫拍檔楊謹華唔好食紅蘿蔔，因為面長似馬，兩人從此鬧不和；之後又話陳喬恩扮大牌「臭臉」，陳喬恩唔客氣：「你也很臭，拜託！」
除 咗把口，藍正龍早排去「藍教主」藍心湄 46歲生日 party，兩杯到肚唔單只大大聲講粗口，之後周圍捉人同佢劈酒，其間，二打六女星 Gigi林如琦因為太醉唔肯飲，卒之俾藍正龍兜腳踢肚，痛到當場標淚。
飲 咗酒，摸人打人一樣唔 啱，但藍正龍經理人居然將歪理講成道理：「 Gigi也有回手（還手），只是在打鬧……我只在他電影中聽過（講粗口），平常沒有，但話說回來，哪一個男生不會講呢？」咁都得，仲衰過「好客」陳浩民！

近排藍正龍趕拍新劇《粉愛粉愛你》，與劇中扮醜女 嘅李佳穎（箭嘴）零交流，又經常做獨家村唔睬人，以為自己係國際巨星。



 

Gigi男友 Vincent知道女朋友俾人踢肚，即晚 响 facebook留言鬧爆藍正龍，仲話要見一鑊打一鑊，據聞最後要藍心湄出面擺平事件。



  

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄