張栢芝、謝霆鋒正式離婚四個月，一度傳出二人有意復合，但本刊收到匿名電話，指張栢芝御用的髮型師 Kelvin Koo（顧鎖全），跟新加坡籍老婆簡嘉儀（ Joni）鬧婚變，張栢芝捲入其中。同時間，髮界亦傳出 Kelvin跟栢芝關係非比尋常，上月底男方坦承有第三者介入，向身邊人宣布離婚。為 Kelvin誕下兩子，暴瘦憔悴的簡嘉儀，對於有傳張栢芝介入，未有否認，簡母更代女出頭：「娛樂圈咁多誘惑！」

 



Kelvin微博放了不少他跟栢芝工作時合照。

婚變前， Kelvin鍾意將一家四口的幸福照放上 facebook，跟朋友分享。

跟栢芝撻着後， Kelvin會在微博傳情，叮囑她小心身體。

十一月初，栢芝返內地開工做騷，見人多擠逼， Kelvin更做埋保鏢，護住她出入。

公布離婚

被指因為張栢芝，離棄老婆及一對兒子的 Kelvin Koo在十一月二十四日的微博坦誠自己做了負心人，兼且公開離婚消息：「好抱歉告訴大家，我和太太已經分開了！也同樣愛上了一個人！所以我已經不是大家說的好男人！是一個壞蛋！對不起！」
拋妻棄子， Kelvin一力承擔，雖然知錯，但仍然控制不住自己。過去幾個月，栢芝在內地有工作或活動，他一定親身飛當地，落手替她整頭髮，甚至有指他索性買了一張全年 open飛上海機票，稍有空閒，就飛去見栢芝。
據了解， Kelvin早在張栢芝九八年入行時已認識對方，當年受公司力捧，經理人安排幾個星級髮型師給栢芝試用，她對 Kelvin特別滿意，自此，二人一直合作無間。


Joni媽週二早上送孫仔返學，對女兒被 Kelvin拋棄一事，無奈兼心痛。
Joni媽週二早上送孫仔返學，對女兒被 Kelvin拋棄一事，無奈兼心痛。

Kelvin老婆 Joni週一接仔放學，婚變後的她暴瘦及憔悴。

自身難保

○四年，張栢芝遭謝霆鋒拋棄自暴自棄，經常開快車，又不斷紋身自殘，令身邊一班朋友十分擔心。
「當時 Kelvin好擔心，於是帶栢芝返教會，希望佢可以有渠道宣洩同搵到心靈寄託，之後栢芝真係好咗好多，仲話俾朋友聽佢係基督徒，成日睇聖經。後來佢同霆鋒復合結婚，拉姑信佛，佢都冇為要討奶奶歡心而改變信仰。」知情者透露。
○三年， Kelvin與新加坡籍模特兒女友結婚，二人同樣是基督徒，每星期都會一齊返教會，十分恩愛。之後 Joni先後誕下兩子， Kelvin的外母數年前從新加坡來港長住，幫手湊孫。
「今年二月，栢芝開始出現婚姻問題， Kelvin都有出手，不過今次幫唔到人，反而自己中招。其實近年佢哋兩夫婦感情都麻麻地，自從外母嚟咗之後，屋企多咗個老人家，開始多咗拗撬，加上 Kelvin經濟壓力好大，成家人靠佢養，負擔好大。」知情者透露。



○四年，栢芝被霆鋒拋棄，身為好友的 Kelvin擔心她做傻事，帶她返教會。

就算「淫照事件」令栢芝形象受損， Kelvin依然不離不棄，將她的大頭照放在髮型屋門口。

背後打本

據了解，張栢芝跟 Kelvin關係密切，有傳他早前搞嬰兒手推車生意，是栢芝在背後打本，栢芝鬧婚變期間，七月到米蘭時裝展為 NOW拍時裝特輯， Kelvin亦有隨行，二人在外地朝夕相對，更一發不可收拾；有指 Kelvin自米蘭之旅回港像變了另一個人。
「老婆又點會唔知老公變咗， Joni三個月前開始察覺 Kelvin出面有女人，後來發現老公同栢芝喺微博 嘅唔尋常私訊，更加肯定呢件事。佢喺香港朋友唔多，好多都係 Kelvin嘅髮型師朋友，呢幾個月 Joni都有搵佢哋出嚟傾偈，每次都喊得好傷心； Kelvin為咗栢芝，連一對仔都唔要， Joni好想挽留呢段婚姻，不過 Kelvin好堅持，點都要離婚。佢哋已經搞緊離婚手續，只係差簽字。至於 Joni，諗住搞好晒手續，就帶埋兩個小朋友返新加坡，唔會留喺香港。」知情者說。






栢芝跟 Kelvin在米蘭時裝節工作時撻着，當日正在搞離婚的栢芝有 Kelvin悉心扮靚，依然容光煥發。

踩車傷眉

上週四晚（十二月一日）， Kelvin踩單車出意外，撞傷眉骨要縫針，事後他自行坐車由醫院返屋企，返到樓下，他仍不願上樓，不停用手機發短訊，搞足十分鐘才上樓。同時間，在「最愛柏芝家人」的微博上，即出現：「我相信她也不願意看見您這樣」的留言。
無陪老公去醫院的 Joni，十二月五日下午如常接囝囝放學，只見她身形暴瘦，神情憔悴；返到跑馬地寓所樓下，她接受本刊記者訪問。
對於婚變傳聞，顧太神情無奈，低頭望了囝囝一下說：「我唔想講咁多！」追問她關於栢芝介入其婚姻一事，顧太說：「 Sorry，呢 啲 嘢我唔想講！」隨即拖兒子上樓。




為撐 Kelvin做嬰兒手推車生意，栢芝帶埋 Lucas拍短片力 sell，事後有指栢芝才是幕後老闆， Kelvin在微博澄清。

連環痛擊

Joni有口難言，其母簡老太則坦然承認：「冇錯！係十月初 嘅事，當時我 哋 啱 啱 喺新加坡奔完喪返香港，我爸爸過 咗身， Joni帶兩個仔去拜外公，返到嚟香港第一日， Kelvin就提出離婚， 喺呢個咁傷心嘅日子，佢就好似向我個女掟石頭，真係好心痛。」對於有指 Kelvin是為張栢芝向太太提出離婚，簡老太無奈說：「我個女好收埋，冇同我交代過，但唔奇 吖！娛樂圈咁多誘惑。」
眉骨受傷的 Kelvin如常上班，接受本刊記者電話訪問，他承認正與太太辦離婚手續，但就例牌否認張栢芝介入，言談間極力維護對方，並將二人關係降級為賓主關係。對於為第三者婚變，他說：「私人嘢，唔會回應。」



上週四 Kelvin發生撞單車意外，一個人去醫院縫針，之後則全程打短訊。



將受傷腫樣放上微博，栢芝即化身「最愛柏芝一家」在微博表示心痛。

十一月中，在《楊門女將》電影宣傳活動上，栢芝主動講心目中好男人標準：「只要讓我愛他，不管他做什麼都是好男人。」隔空呼應 Kelvin的「壞男人」論。

跟霆鋒正式離婚後，據知作雙邊投注的栢芝仍不斷傳短訊給男方，不時主動相約食飯。

變髮術


縱橫髮型界二十多年的 Kelvin Koo，是名牌髮型屋 HAiR Salon的 Director，亦是琦琦、林心如、鄧萃雯等名人紅星的御用髮型師。
03年， Kelvin與新加坡籍女友簡嘉儀結婚，育有七歲的長子 Bill和三歲幼子 Zac。除咗髮型屋生意越做越大，早前 Kelvin投資七位數字，成為德國名牌 BB車 Cybex的中、港、澳代理。他早前受訪時，表示栢芝鍾意用該品牌的產品，更坦言：「你知我跟張栢芝是什麼關係啦！」

日久生情

化妝師、髮型師、服裝師因工作關係，同藝人日日見，好容易互相撻着，搞到公私不分。

泳兒


緋聞唔算多的泳兒，早前被拍到與一名高大鬍鬚男於銅鑼灣睇戲，狀甚親暱。原來男方正是泳兒的御用髮型師，二人剛剛開始交往。

Yumiko（鄭希怡）


近年轉戰內地的 Yumiko，與化妝師男友 Andy（梁學儲）拍拖七年，由於 Yumiko父親在圈中人脈甚廣，常為準女婿搭路， Andy已成周迅、 Twins、林志玲、何超儀等中港台紅人的星級化妝師，收入豐厚，所以 Yumiko亦可過着住豪宅、揸靚車、請司機的闊太生活。

周迅


03年，周迅戀上台灣形象指導李大齊，更表示非君不嫁，可惜戀情維繫了 5年， 09初，周迅發表公開聲明指各自為追求事業而聚少離多，關係漸由愛情轉成友情。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄