做演員實想拎獎！（真實對白）
視帝將成囊中物，記者問他是否加約換獎，他即刻風騷大笑。
阿佘現正身在無錫拍劇，有指她有視后攞，才會度期回港出席頒獎禮。設計圖片"
娛樂頂點
無綫以獎換約 阿佘陳豪攞男女主角獎
2010年11月19日
《萬千星輝頒獎禮》下月舉行，男女主角之爭傳得鬧哄哄。去年無綫順應民意頒給並非親生仔女的黎耀祥和鄧萃雯，但今年兩人風頭卻被《公主嫁到》的佘詩曼和陳豪蓋過。
據知無綫見阿佘陳豪受歡迎，為了箍實兩大賺錢金蛋，除了以男女主角獎利誘外，又主動向二人加騷價兩成，冧二人加簽經理人合約 3年。據悉阿佘初步同意加約，陳豪雖然未覆，但答應成數極高。如無意外，男女主角獎便是他們的囊中物。
陳豪近期人氣急升，在台慶亮燈儀式被粉絲團團圍住，盡搶風頭。
雖然阿佘和陳豪的經理人約分別於 2012年和 2016年才到期，但近日無綫已積極跟他們傾新約，希望二人各加三年，綁實兩隻金蛋。據無綫中人透露：「公司有同阿佘、陳豪暗示過俾視帝、視后獎佢哋，話希望大家有更長遠嘅合作，佢哋都好明白係咩意思。」
減佣放期利誘
由於阿佘原本的合約條件已很優厚，出外接 job無綫只抽佣 15%，因此無綫不願將佣金下調，寧願將她拍劇騷價加兩成，由每集 3萬加到 3萬 6千，又答應阿佘每年只需為公司拍劇 60集，其餘時間可以在內地拍劇搵真銀。
至於陳豪，無綫原本抽佣 20%，新約將有少許讓步，可輕微減 2%，並將他的劇集價由 2萬加到 2萬 4千一集。最吸引的是，他跟阿佘一樣，每年只需為公司拍劇 60集，其餘時間無綫會為他全力拓展內地和海外市場。
無綫要箍實阿佘，皆因她是公司頭號「吸金王」，繼去年狂賺一千五百多萬，今年又賺一千七百多萬。加上由她擔正的無綫劇集賣埠均十分理想，因此內地製作公司亦肯出高價找她拍劇。近日阿佘正在內地拍攝的古裝劇《帶刀女捕快》，雖然只有約 30集，但阿佘穩袋 280萬，平均 9萬多一集，賺錢能力冠絕一眾花旦，阿佘早前就說：「我好滿意今年收入，睇到存摺都會笑呀！」
鄧萃雯：鄭九妹好 man，視帝頒畀我，視后頒俾阿佘咁咪皆大歡喜！（真實對白）
去年成功封后的鄧萃雯自知冧莊機會微，近日回應奪獎機會時，即暗寸阿佘。
阿姐：唔會到我攞啦！（真實對白）
阿姐表示有信心憑《荃家福祿壽》打低《超級遊戲獎門人》獲最佳綜藝資訊節目，但對爭視后已打定輸數。
楊怡：我支持阿佘！（真實對白）
楊怡沒信心封后，反而力撐好姊妹。
陳法拉：加約換獎？你又知嘅？冇聽過噃！（真實對白）
陳法拉拒談視帝、視后心水人選，大耍太極。
鍾嘉欣：視帝就係陳豪啦，視后就係阿佘！（真實對白）
鍾嘉欣表示今年對手太強，明年她將會有多部劇集出街，機會較大。
網友力撐
陳豪和佘詩曼成為視帝視后大熱，網友在討論區也力撐。不過，黎耀祥和鄧萃雯亦各有捧場客，鬥得精彩。
撐陳豪、阿佘
撐陳豪、阿佘
撐陳豪、阿佘
撐陳豪、阿佘
撐祥仔、雯女
撐祥仔、雯女
插 TVB
樂小姐珍姐齊游說
小生方面，由於近年北上搵銀成風，為免困身，很多小生都拒與無綫續經理人合約。好似歐陽震華及剛完約的林保怡便只肯簽部頭約，而郭晉安在拍畢新處境劇《依家有喜》後，據知亦只會簽部頭約。一線小生真空，難怪無綫急箍還有 5年約的陳豪。
無綫中人表示：「阿 Mo（陳豪）張約到 2016年先滿，佢梗係想睇定啲先簽啦！樂小姐（樂易玲）同佢傾過，佢冇乜反應，之後珍姐（曾勵珍）都有幫口，但阿 Mo話開劇忙，未覆實。其實阿 Mo份人好鍾意安穩，所以佢答應成數好高。至於阿佘向來同樂小姐好 friend，張新約已經傾得七七八八，阿佘好想再做視后，舊年輸咗俾雯女已經好唔開心，今年有個獎送上門，梗係好啦！況且佢鍾意有無綫做靠山，但最想公司俾佢出外搵錢。佢仲同樂小姐講明，如果未約滿就嫁得出，到時希望公司放佢一馬，好似黎姿咁，咁佢就簽喇！」
陳豪風騷回應
阿佘和樂易玲（左一）關係甚好，不時相約食飯，難怪今次傾約也談得順利。
對於無綫以視帝視后獎項利誘加約，正在內地拍劇的阿佘至截稿前未有回覆。而陳豪笑不攏嘴向本刊記者說：「做演員實想拎獎，呢個係讚賞，但我重有好幾年約！今年我套《公主嫁到》收視好好，又接咗十幾個廣告，當攞住個「贏」字啦，我好滿意今年嘅成績！視帝我睇好祥仔，佢套劇口碑好，我套《公主嫁到》就收視好！」相當風騷！
而樂易玲則避談以獎換約一事，她說：「佢哋合約都未滿，你問番佢哋啦！」之後便匆匆收線。
祥仔：冇聽聞加約換獎噃，咁早知？（真實對白）
祥仔說換獎傳聞年年都有，但他今年對自己都沒信心，故並沒「度定」領獎謝詞。
馬浚偉：陳豪好勤力，咁講對佢唔公平！（真實對白）
對於加約換獎，馬浚偉表示不會將兩者混為一談，皆因簽長約要考慮長遠發展。
郭晉安：希望祥仔可以冧莊視帝啦！（真實對白）
據聞郭晉安拍完處境劇後，會轉簽部頭約，對於視帝之爭亦置身事外。
吳卓羲：有換獎都唔會同我講啦！（真實對白）
吳卓羲表示加簽長約與否，他會聽公司安排，但他不相信可以加約換獎。
冧莊吸金后
現在才是 11月，但阿佘穩袋$1,786萬酬勞，連續 2年成為 TVB的騷后。
陳豪勁賺 1,268萬
承接去年《宮心計》的威勢，加上今年《公主嫁到》效應，帶挈陳豪成為廣告商寵兒。早前他更於 1個月內接了 5個廣告，賺錢力驚人。
撰文：娛樂組
攝影：攝影組
部分圖片：《蘋果日報》、《壹週刊》
留言列表
{{ article.title }}
