跑兩跑就話口渴，師奶助手遞茶遞到埋嘴邊，陸永、溫超得個恨字。

一曲《唸你》熱爆中港台，劉家昌成功捧紅乖仔劉子千，仲有機會進軍大銀幕，接拍黃百鳴監製嘅賀歲片《八星抱喜》。
早排《壹》仔見到千千、陸永同溫超响尖東拍《八星》，當日拍佢哋三個神色慌張，响卡拉 OK衝出門口四圍望嘅鏡頭。

只須要表情同動作，簡單一個鏡頭 NG再 NG，其實陸永同溫超已經交足戲，唯獨千千個樣呆呆滯滯，相比响《唸你》 MV入面情深款款唱情歌個樣，千千明顯發緊夢。
跑完又跑，導演嗌休息，俾千千抖抖氣。當晚媽咪甄珍無嚟監製，改派師奶助手服侍少爺仔，斟茶遞水時刻效勞，難為陸永、溫超成晚自己顧自己。
唱歌靠騎呢、拍戲冇天分，查實千千不如早啲收山，幫老豆劉家昌、 auntie方逸華，返江西龍虎山打造三億度假村，做地產闊少好過啦！



陸永（左）表情交足戲，溫超（中）跑到頭髮都飛起，千千呢？佢個樣唔知點解陰陰笑？

溫超劇本不離手，千千呢？最緊要靚仔，抹定汗等埋位。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄