Oh Shit!（設計對白）\n

拍完兩年終於重見天日 嘅無 綫劇集《天與地》，星期日（十一月二十日）主角齊晒人， 响中環一間酒吧做宣傳。
上次三位男主角陳豪林保怡黃德斌齊齊夾 band谷劇，今次 响酒吧，就改飲雞尾酒預祝有好收視，幾位主角手上杯酒仲加 咗料，由陳豪 响酒中點火，變成火焰雞尾酒。

可能火力太猛，酒杯耐熱又唔夠，邵美琪手上杯酒突然斷開兩截，仲倒瀉落地產生小火，點知轉個頭，輪到陳豪，成個杯爆開，好在佢縮手縮得快，有驚無險！
陳豪身手夠敏捷，不過有 啲意外總係防不勝防。上個禮拜四（十七日）佢出席一個時裝活動，同場巧遇著上姣婆粉西裝 嘅甘國亮，埋去要求影合照，之後仲當眾掃陳豪背脊兼攞電話，如果八珍係陳茵媺，真係睇到眼火爆！

陳豪手中 嘅火焰雞尾酒突然爆杯，佢即刻丟落地，所產生 嘅小火球，嚇到身旁 嘅金燕玲同劉丹即刻縮腳。


被一身粉紅色西裝打扮 嘅甘國亮苦纏，攞完電話再掃背合照，陳豪只能夠逆來順受。



其實最先中招 嗰個係邵美琪，酒杯斷開兩截，倒瀉落地出現小火。

 
arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄