梅太孭住 BB車行前，殿後嘅梅啟明抱住仔仔慢遊跑馬地，呢個慈父樣，真係難得一見。\n

為咗攞番梅艷芳生前所有遺產，過去六年梅媽覃美金，仲有阿仔梅啟明，不斷進出律師樓同法庭，再定時定候去滙豐總行上香，鬧爆遺產執行人滙豐信託。母子同心一唱一和，擘大喉嚨伸寃更加係指定動作。



一年總有幾次大龍鳳，兩母子一見記者就狂噴口水，出入法庭告完一個又一個，何必呢？

每次見到梅啟明總係口水多過浪花，但上個禮拜二（十一月十五日），《壹》仔响跑馬地見到梅啟明抱住仔仔行街，面帶笑容一臉慈父相，至於生得大大隻嘅梅太，就孭住 BB車一馬當先行前。
聽講梅啟明老來得子，錫仔仔錫到燶，梅媽搞大龍鳳爭遺產，無非想喺有生之年，攞到筆錢俾梅啟明同孫仔過埋下半世。
天下父母當然愛錫子女，但唔係你財唔入你袋，有仔都唔夠萬事足，你望吓陳振聰先啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄