未見過靚女呀？（設計對白）
一年一度台慶，花旦小生全民扮靚大日子，就連有無 綫小巨肺之稱 嘅林欣彤，都有份聯同一班巨聲幫友好，以歌聲賀壽！
21歲唔肯抬高頭上鏡，仲叫《壹》仔唔好玩佢，直到林欣彤出到去停車場彩排 opening，真面目終於見光！
一早返到公司做彩排，得 嗰 21歲 嘅林欣彤，一次過擁有女人三大素顏死敵：面灰、爆瘡、樣殘，《壹》仔舉機拍下小巨肺真面目，林欣彤笑笑口：「唔好玩我啦！」《壹》仔當然唔敢冒犯，只係驚訝現今化妝之術，的確有神奇 嘅特異功效。
舉多個例子，以 64歲阿姐汪明荃為例，歲月催人老，阿姐真實膚色當然反映真實年齡，相比之下，今年 53歲 嘅菊姐關菊英算係保養得宜，起碼膚色夠白夠均勻，林欣彤就算賣聲不賣樣，都係時候向班前輩請教吓美容之道。
年齡相差十一年，但菊姐面部保養真係唔錯，同面色枯黃 嘅阿姐相比，菊姐望落年輕得多。
64歲
53歲
南亞風情
正所謂一白遮三醜，若果膚色太黑，素顏底下總會散發出陣陣賓賓印印東南亞味道，以下三位無 綫小花，唔知你有冇本事講得出佢 哋個名！
答案：胡定欣 袁嘉敏 黃君馨
同場加演：殼王唔敢黐花旦
台慶大日子，六叔邵逸夫居然 响屋企大覺 瞓，搞到無 綫兩位新股東「殼王」陳國強，以及有台灣女首富之稱 嘅王雪紅，成為傳媒新焦點。同過唔少女星傳緋聞 嘅殼王，對當晚任何一位性感花旦都表現得好避忌，唔敢埋身，唔敢打招呼，唯一獲殼王主動搭訕，只有家燕姐一個。
殼王止步
完騷後有祝酒儀式，殼王（箭嘴）戇居居靠邊站，唔敢行入人堆之中，只係敢同冇著低胸衫 嘅家燕姐吹水打招呼。
六嬸導賞員
六叔冇 嚟，六嬸方逸華一樣咁忙，因為要拖實新股東王雪紅四圍行，六嬸更親自帶紅姐見利孝和夫人。
全站熱搜
留言列表
{{ article.title }}
