娛樂八掛大放送★

鬼祟上車
Stephy睇咗 15分鐘樓就離開，雖然當時已經天黑，但冇化妝嘅 Stephy戴晒黑超，一上車即踩油，記者追都追唔切。"
娛樂頂點
戀情浮面　 Stephy揀樓黐住方力申
2010年11月19日
娛圈近排興玩戀情地上化，阿 Sa同 William搭膊認拍拖，王祖藍公開同李亞男長短腳之戀。明戀後個個藝人都人氣勁升，仲可以名正言順情侶檔賺錢。方力申同 Stephy（鄧麗欣）亦唔執輸，早前被踢爆去馬爾代夫旅行後，上周六（ 13日）出席公開活動二人更默認拍拖。
戀情浮面後，原來 Stephy想進一步黐實男友。本周日（ 14日）本刊記者目擊 Stephy同經紀去港島南碧荔道，睇咗位於方力申對面一個豪宅單位。如果 Stephy買得成，以後想見男友，行過對面就得，認真有計！
互動片段

Stephy睇樓黐住方力申

方力申與 Stephy鄧麗欣戀足 7年，終於在上周六（ 13日）默認關係，二人在活動上異口同聲表示唔會詳細交代相戀經過。記者問 Stephy以後是否可以寫她是方力申女友，她說：「你咁寫我唔會告你嘅！」

11月 14日單拖睇樓
本周日（ 14日）下午 5時許， Stephy駕駛價值 43萬嘅白色寶馬 130揭背房車到達碧瑤灣碧荔道，同車女地產經紀先下車按門鐘，之後 Stephy才一同入內。
 
一街之隔
Stephy睇嘅單位，正正喺方力申屋企對面，兩屋相距路程唔使 10步。
 
千萬碧荔道美琳苑
Stephy睇嘅單位位於碧荔道 28號，樓高 4層，已有 14年樓齡。 Stephy睇中頂樓連天台一個九百多呎單位（圈），業主叫價約一千萬。
 
睡房冇景
單位內有兩房兩廳，有主人套房，實用面積偏低，睡房很細小。
 
大廳對正
方力申家
 
從單位的大廳望出去，可清楚望到方力申屋企，近到大聲啲都可以對話。

計劃半同居
原來默認關係只是第一步， Stephy還計劃和方力申過半同居生活。據知情者透露：「小方同 Stephy未公開關係，已經成日一齊登台接 job賺錢，不過始終未公開情侶關係，所以價錢冇咁高。眼見依家個個認拍拖都冇影響事業，一齊接 job又可以叫高啲價，金牌即主動叫佢哋逐步將戀情浮面。 Stephy都俾人影過去小方屋企過夜，不過小方同屋企人住，始終唔係太方便。雖然 Stephy住貝沙灣， 10分鐘車程就到小方屋企，但佢想再近啲，所以最近成日睇樓。」
Stephy坐言起行，上周日（ 14日）她駕車到碧荔道美琳苑，睇一個近千呎 3樓連天台單位。該大廈距離方力申家只有一街之隔，行過去唔使 1分鐘。記者曾以買家身份睇樓，發現該單位對正方力申屋企，從大廳望過去，甚至清楚看到屋內情況，兩人要見話咁易。

11月 13日默認戀情
上周六方力申與 Stephy齊齊出席公開活動，自動波默認拍拖，不過唔肯講詳情。聽到小方話冇嘢唔見得光， Stephy笑得好開心。
 
我有睇樓咩？（真實對白）
本周三（ 17日），記者在港台活動找 Stephy回應，她承認閒時鍾意睇樓，但卻否認星期日去過方力申屋企對面睇樓。

Stephy擘大眼講大話
本周三（ 17日），記者就揀樓黐實男友一事求證 Stephy，誰知她竟然否認睇樓，公然講大話。
記：呢排拍劇搵咁多，有冇打算置業？
鄧：都 ok啦，可以再搵多啲。雖然依家樓市咁高，都可以考慮吓。
記：最近有冇去睇樓？
鄧：我不嬲都有留意，因為我好鍾意睇樓，亦鍾意比較樓價，真係要買時就會諗清楚。
記：上星期日我哋見到你去碧荔道睇樓，係咪想搬近小方？
鄧：有咩？我有去睇樓咩？（我哋親眼見你入去睇樓！）其實我主要都係上網睇同搵資料，真真正正去睇樓就少啲，要睇啱或者真正落實先會睇。（想搬去同小方住喺同一條街？）其實我依家同佢都已經住得夠近，做鄰居咁滯喇！
Stephy呢頭話鍾意睇樓，嗰頭又話上網睇多啲，前言不對後語。其實佢同方力申都公開咗關係啦！使乜講大話呢？
搵錢打孖上
方力申與 Stephy拍拖 7年來從未承認戀情，卻一直以情侶姿態賺錢。日前方力申公開呻笨話之前拍劇只收「打包友情價」，依家默認拍拖，就可以攞正牌收高啲價。

拍戲奉旨親熱
Stephy 03年與方力申拍拖， 06年開始，兩人以緋聞情侶姿態拍過多套葉念琛的愛情片，如《十分愛》、《我的最愛》（圖），戲內奉旨親熱。

 
登台搵真銀
Stephy與方力申近年頻頻接國內登台騷，不時在台上溫馨合唱。

 
拍內地劇
今年 8月，兩人首次合作拍內地劇《風雨桃花鎮》。方力申更在片場與 Stephy慶祝其 27歲生日。