最合作12號陳立筠無論 响泳衣環節，抑或示範瑜伽，都肯配合大會要求，傾瀉心口 F奶，即使腰粗巨躉榕樹腳，但起碼有睇肉精神。
上個禮拜亞姐幾乎日日有公開活動，擺明想混淆無 綫台慶視線，要以卵擊石，上個禮拜五（十一月十八日）大會再次安排班佳麗以自選泳裝見傳媒。
潛行亞姐胸間， 12號陳立筠 嘅 37F下墜豪乳繼續係焦點，至於報稱得 33上圍、體重 100磅都冇 嘅 6號馮雪冰，離奇托出湯碗胸，明顯加料大放送。
不過唔係個個亞姐都咁合作，甘心命抵幫公司賣肉。正如星期日（二十日）亞姐出席千人瑜伽大會， 1號王家敏、 8號施熙瑜及 9號馮綺華就聲稱自己有病唔 嚟得。
真病抑或詐病都係事小，八珍聽二五講，有佳麗向亞視投訴，認為大會安排 嘅制服太過暴露，唔想被迫走光見報，據聞有佳麗醞釀要退選，睇 嚟今次亞視真係玩大 咗！
加料炮製
瘦到得棚骨， 6號馮雪冰有本事谷出警鐘胸，加上個樣唔差，順利成為今屆大熱。
又失蹤
上次玩攀石告過一次病假，今次玩瑜伽又話病，以 47歲高齡參加亞姐 嘅 8號施熙瑜，較早前跟貝安琪學做瑜伽已經 hea到出面，唔肯做動作之餘，又成日撳實心口驚走光，唔通係佢想退選？
Hea住做
千人瑜伽大會上，頂硬上現身 嘅佳麗，每個動作 hea得就 hea，尤其係 7號康馨月。
全站熱搜
留言列表
{{ article.title }}
