大家好，我係一隻大閘蟹乸「Bubbles」，呢期我同啲姊妹最紅，個個香港人爭住買我哋返屋企，今日有啲特別，平時啲人淨係會揸住把鉸剪拆蟹，點解今次變咗揸刀叉嘅？唔通佢哋諗住用我嚟煮西餐？咁大個女都未試過同啲外國食材做朋友，唔知Cross-over出嚟嘅結晶品，會唔會好似啲混血兒咁特別靚呢？
蟹粉海鮮意大利飯 $138
芝士作媒 融入意菜
吃大閘蟹已經成為不少老饕每年入秋的大事，除了清蒸之外，蟹粉菜式也為人津津樂道。傳統上「蟹粉豆腐」、「蟹粉豆苗」等等都被認為是最能凸顯蟹粉鮮味的配搭，但今時唔同往日，食蟹粉菜都要玩Fusion，位於蘇豪的「Buongusto」是家新Fusion餐廳，老闆與廚師都喜歡將食材中西合璧，尤其以蟹粉入饌的菜式更是其招牌。
負責人表示，餐廳的菜式普遍以意大利菜為基礎，意大利菜烹調方法簡單以突出食材真味，故此加入蟹粉同煮也能將其甘香味道完整呈現，餐牌內有多道蟹粉前菜、意粉、意大利飯及薄餅等選擇，每道菜都用上不少於10克蟹粉烹調，負責人更稱在烹調蟹粉的過程中會加入巴馬臣芝士同煮，貪其味道不太鹹唔會蓋過蟹粉味道，既有效提升蟹粉香氣，又能令蟹粉與意大利菜融為一體。
蟹粉忌廉南瓜湯 $88
檸檬鮮茄露筍蟹肉意大利粉 $138
6：4 蟹粉 黃金比例
據負責人稱，「Buongusto」的蟹粉菜式一年365日皆有貨供應，原因是餐廳與上海附近的蟹農合作，由他們生拆新鮮蟹肉及蟹粉後冰鮮運來港，每星期返貨3至4次，而時值大閘蟹當造期，餐廳更連同原隻大閘蟹入口，以防蟹粉供不應求就即時拆蟹即做蟹粉，餐廳也特別在這段時期推出多款新菜。
酥炸芝士蟹粉球 $118
芝士蟹粉香蕉船 $270
上湯蟹粉意大利雲吞 $90/位
除了西餐廳之外，九龍香格里拉酒店的香宮也用上意大利麵來配襯蟹粉，海景嘉福酒店海景軒也用上芝士與蟹粉同煮，提升香味。
蟹粉燴天使麵 $90/位
海鮮蟹肉薄餅 $128
說到今年各方大閘蟹質素，香宮中菜行政總廚吳永釗稱，由於今年天氣不穩，年頭天氣凍而7、8月又太熱，令陽澄湖大閘蟹產量比去年少三成，但他們仍會維持蟹粉的「6：4」黃金比例，即以6分蟹膏與4分蟹肉推成蟹粉，再以西式食材作配搭，今年的蟹粉滋味肯定與別不同。
「Buongusto」屬意泰風味的Fusion餐廳，共分兩層，底層光猛開揚。
閣樓用餐區以木為裝潢主題，夠Warm又有型。
1 蟹粉忌廉南瓜湯 $88（a）
南瓜蓉煮成湯後放上約1湯匙蟹粉，然後淋上忌廉點綴。可先嘗一口淨南瓜湯，再拌勻蟹粉飲用，第一口嘗湯之甜、第二口則嘗其甘香，是截然不同的感受。
2 檸檬鮮茄露筍蟹肉意大利粉 $138（a）
蟹粉與意大利粉拌勻，配襯露筍粒、檸檬皮等意菜中較罕見的食材，夠晒Fusion，檸檬皮亦令意大利粉吃起來更清新醒胃。
3 蟹粉海鮮意大利飯 $138（a）
澳洲青口、日本帶子、虎蝦作意大利飯的配料，蟹粉面層添上巴馬臣芝士，將之與意大利飯拌勻同吃，蟹粉之甘甜由煙韌意大利飯完全帶出。
4 酥炸芝士蟹粉球 $118（a）
餐廳老闆在加拿大吃過類似的前菜，回港改良而成。芝士與蟹粉及香草等拌勻再以意大利飯包裹，上脆漿後炸香，外層脆口而內裏甘香軟滑得很。
5 芝士蟹粉香蕉船 $270（c）
海景軒大廚將澳洲茄子挖空，茄子蓉與蟹粉同煮後再釀回去，面層鋪上味道較淡的芝士再焗，取其香氣搭配蟹粉之甜。
6 上湯蟹粉意大利雲吞 $90/位（b）
雲吞皮由與香宮同酒店的意大利餐廳搓製，質感正宗，卻以中式雲吞手法包裹混和二両蟹粉、免治豬肉及蝦膠的餡料，食味與蟹粉小籠包不可同日而語。
7 蟹粉燴天使麵 $90/位（b）
天使麵以上湯燴至入味，再在面層扒上約二両蟹粉。天使麵的質感較為軟滑，也不像上海麵般腍身，配搭蟹粉來吃質感特別有層次。
8 海鮮蟹肉薄餅 $128（a）
薄餅底自家搓製，海鮮、巴馬臣芝士及蟹粉鋪好才焗，令芝士與蟹粉融為一體，香氣與味道雙倍提升，為餐廳最受歡迎菜式。
撰文 ：陳嘉勵 攝影 ：陳富權、郭凱敏、蘇榮基
查詢電話 ：（a）2581 3303（b）2733 8754（c）2731 2883
留言列表
{{ article.title }}
