亞視「 2010亞洲小姐競選」決賽今年 11月舉行，港澳賽區 13名入圍佳麗噚日喺大埔見記者，各人喺台上自白 1分鐘。被爆已婚嘅「臭口芭比」 13號廖祉甯（ Barbie）同 35D巨咪孖女楊晴及楊晶齊齊入圍。

放大圖片
（左起） 4號祈翼、 5號萬嘉麗、 6號李瑩瑩、 10號何丫同 12號閔蘭幾位入圍佳麗，質素平均。

（左起） 4號祈翼、 5號萬嘉麗、 6號李瑩瑩、 10號何丫同 12號閔蘭幾位入圍佳麗，質素平均。

放大圖片
D級暴乳孖女 1號楊晴（左）同 2號楊晶雙雙入圍。

D級暴乳孖女 1號楊晴（左）同 2號楊晶雙雙入圍。

稱隨時心臟病發

臭口芭比早前被爆同 31歲會計師 Chen Min結婚，複試時唔見佢，但噚日宣佈入圍就現身，仲開口及着脷，自白大講伊索寓言：「故事話隻白兔驕傲自大，但冇唔啱，我覺得故事唔啱呢個時代，唔應該墨守成規。」事後佢接受訪問，自比白兔嘅臭口芭比猛話：「兔仔係驕傲自大，但同自戀差一線，我唔係驕傲自大，只係有少少自戀，至少差三線。」臭口芭比否認覺得選美唔公平，仲賴記者：「點解你哋諗咁多，你哋對我有太多揣測。」佢解釋因病至甩底複試：「我突發性心臟病，唔信你哋去伊利沙伯醫院查吓。我唔激得 o架，唔會笨豬跳，但可以玩海盜船。」既然有心臟病，頂得住選美刺激嗎？佢竟然話：「我係突發性心臟肌肉發炎，醫生話唔係咁易復發，但好多嘢冇預計。」輸咗會唔會激到暈？佢寸爆講：「如果標題寫好啲，我會冇事。」講到婚書，臭口芭比竟然抵賴話同名同姓，又話：「私人嘢我唔回應，我會同公司交代。」至於半裸照就話係工作相，但經後期加工。不過，亞視（製作）高級副總裁葉家寶就篤爆臭口芭比講大話：「廖祉甯同大會講登記婚書係真，但最後冇結婚；半裸照就係模特兒工作時被偷拍。」若知道今屆入圍亞姐的底細，歡迎電郵至 mailto:adent@appledaily.com報料。

「臭口芭比」 13號廖祉甯講嘢寸嘴，講大話更加唔眨眼。

Barbie寸得起彈龜兔賽跑out

十三位《2010亞洲小姐競選》（港澳賽區）候選佳麗昨正式曝光，「寸嘴」見稱的「Barbie姐」甫入圍即玩突出，借「龜兔賽跑」來自辯兼反擊傳媒，更大言不慚該寓言故事已過時。

(12)閔蘭竟將自己的名字說成「聞能」。

今屆亞姐質素不俗，「國產Twins」(1)楊晴、(2)楊晶及「無添加Baby」中荷混血兒(5)萬嘉麗都入選，只是能操流利廣東話的佳麗少之又少，在自我介紹時「粗口百出」，楊晴講「今年」變成「今能」，楊晶將自己變成「淫晶」，(12)閔蘭變成「聞能」，令人啼笑皆非。

暗喻寸嘴無罪

穿上同款Tube Dress的佳麗輪流出場自我介紹，缺席複試的「Barbie姐」廖祉甯入選成(13)佳麗，她自我介紹時突然搬出伊索寓言「龜兔賽跑」侃侃而談，認為兔驕傲並無不對，反而墨守成規不正確，她自言要是做龜不跟兔賽跑而鬥游泳，玩突出之餘，暗喻自己「寸嘴」無罪，向傳媒駁嘴有理。

左起：(1)至(13)亞姐穿上同款Tube Dress，先來一次身材比併。

(10)何丫被視為熱門之一。

「Barbie姐」M廖祉甯解釋缺席複試時「一時一樣」。

問到是否覺得伊索的寓言不對？「Barbie姐」說：「我絕對冇講過，只係唔適合現今社會，社會係冇真正公平，我亦唔係驕傲係自戀啫，（冇公平都嚟選？）我冇話過亞姐唔公平，點解你想咁多？」

有登記冇註冊

至於缺席複試，「Barbie姐」一時又謂自己突發性心臟病，強調記者不信可到伊院查紀錄，一時又說是突發性心肌發炎，問到能否承受比賽的刺激？她說：「笨豬跳唔得，海盜船就得。」

另外，對於曾到婚姻註冊處登記結婚及被影大露背照片，「Barbie姐」拒直接交代，事後高層葉家寶代解釋：「佢承認有去登記，但最後冇註冊，而露背相係佢做模特兒工作以外被偷影嘅。」

「Barbie姐」入圍亞姐寸多兩錢重

昨日《2010亞洲小姐競選》（港澳賽區）十三位候選佳麗首次見傳媒，因廣東話不太純正，自我介紹時「粗口」橫飛，如(2)楊晶變「淫晶」，笑爆全場。至於由港姐過檔的「Barbie姐」(13)廖祉甯則繼續寸寸貢，自我介紹時大談伊索寓言「龜兔賽跑」新解，她強調兔仔驕傲冇錯，反而墨守成規不正確，暗撐自己「寸嘴」冇錯。問到豈非伊索有錯？廖祉甯說：「我冇講過！只係唔適合現今社會，社會係冇真公平，我唔係驕傲只係自戀啫！（冇公平都嚟選？）我冇話過亞姐唔公平，點解你想咁多？」

「國產Twins」齊齊入選亞姐，但廣東話仍有待練習。