娛樂八掛大放送★

樂基兒全力為老公黎明旗下的女將搞造型， Janice Man（ JM）、 JW、衞蘭一一試過。她之前為 JM炮製多個淑女 look，昨日現身支持又大讚 JM， JM對老闆娘厚愛有加，更忍不住直言老闆娘似大姐姐，悉心照顧愛護，相信黎明可以更放心。

其他娛樂名人影片

樂基兒近期主力做 styling， Janice Man今年出任莎莎婦女銀袋日大使，樂基兒之前出動為她做了四個造型，昨日又陪住 Janice Man在跑馬地出席記者會，同場還有姚予晴、楊洛婷、莎莎老闆郭少明夫婦等。

放大圖片

樂基兒為 JM設計多個造型，有復古也有優雅。

放大圖片

名模姚予晴不諳賭博，入馬場純粹試運氣。

變身淑女 放大圖片

楊洛婷昨日以短裙造型為活動任司儀。

Janice Man穿上一條粉紅長裙、戴禮帽，一派優雅淑女造型。樂基兒說：「係一個經驗，成個 team都好合拍，今次係 for lady day，多啲 classic造型。」有否想過為老公黎明搞造型？樂基兒說：「冇諗過，幫女仔做好啲，不過有時啲 final product都有畀佢睇。」她只為 A Music旗下藝人，如 Janice Man、衞蘭、 JW等做造型，問她何時幫其他 artist？樂基兒就說：「佢哋容易做啲， JM受到好多造型同變化。」

口甜舌滑

老闆娘出馬， Janice Man似乎工作更多，她都賣口乖說：「多啲火花同噱頭，我好鍾意佢嘅 design，好 creative，我係由心出發，覺得佢好好。佢好似一個大姐姐咁，我喺屋企係家姐，好開心，家有啲俾人照顧嘅感覺。」狂讚老闆娘，不怕被指擦鞋， Janice Man說：「我出自內心感覺，想同大家分享。」採訪： Rita Leung攝影： Chan Chi Lam


Janice Man化身 pink lady示人，一洗少女味。