托下巴
早前梁烈唯被傳响銅鑼灣夜店醉酒非禮「美味天使」關婉珊（Kimmy）。上周四（10日），兩人齊齊出席新劇《法網狙擊》開鏡拜神，順道澄清。唯唯聲稱好耐冇去夜店飲酒，事發當晚喺太古城做騷至凌晨先返屋企。佢仲話開鏡當日先知道邊個係關婉珊喎！信不信由你！

 
事件孰真孰假，都過咗去啦。最重要活在當下。開鏡當日，關婉珊嘅「補習天王」男友林溥來（Patrick Sir）專程入TVB等女友食下午茶！原來Kimmy同Patrick Sir舊年去日本拍《勁食日本一》而撻着。當日小情侶不時情深對望， 女方仲嘟嘴向男友撒嬌，兩人似乎未受非禮傳聞影響。難怪Kimmy同媽咪姐甜絲絲話：「男友好信任我，仲好錫我，所以我都冇唔開心。」咦， 毛管都戙晒！ ####

 


嘟嘴當日下午茶，除咗關婉珊同男友之外， 仲有兩位工作人員。雖然小情侶冇親密動作，但女方不時做出「卡哇𠵱」動作嗲男友， 相當sweet。


關婉珊、梁烈唯捲入非禮傳聞，兩人同場向傳媒解畫，但企到離行離列，表情尷尬。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄