張頴康拍完真空照報警求助周柏豪模界遇抽水同志 @ 娛樂八掛大放送★

張頴康拍完真空照報警求助

娛樂圈近日有人熱烈討論男藝人拍攝裸照之風氣，昨日一眾男星談及熱話，無綫藝人張頴康驚爆多年前曾被要求身穿魚網衣及在「冇內褲」情況下拍踩界照，事後曾報警求助。而港男袁偉豪及彭冠期則表示沒有拍過裸照。

近日有男藝人曾拍裸照成為熱門話題，並盛傳有相關名單流出，事件哄動全城！昨日一眾男星談及相關熱話，曾拍攝無綫劇集《談情說案》的無綫藝人張頴康驚爆多年前曾拍踩界照，他指對方以可贊助服裝為由，邀請他上寓所試衫，並向他展示黃宗澤的公開活動照片：「張相黃宗澤着住魚網衫，佢自稱有贊助黃宗澤，仲叫我試着件魚網衫！」

吩咐要「濕嘴」

由於不虞有詐，張頴康當時換上衣服，及後才發覺褲子很緊身，而對方除要求他不穿內褲，更吩咐他要「濕嘴」：「我覺得好古怪，好似想叫我『Lam脷』咁！」之後該男子表明是同性戀者，又着張跟他「搵食」，指可介紹有錢人給他認識：「我梗係一口拒絕！（佢有冇性要求？）如果佢咁提出，我就郁手！」深感不妥的他翌日向前經理人求助，對方幫他聯絡無綫高層並決定報警。另外，昨日張頴康與未婚妻麥雅緻於九龍灣選購床上用品，麥雅緻指張當日試完衫後「嬲爆爆」：「佢話啲衫同甫士好古怪，佢報警都係唔想有其他藝人再中招！」

「家明」：眼神古怪

而憑無綫劇《天與地》「家明」一角而為人熟悉的張景淳，亦曾於年前被邀拍攝照片：「我着住自己衫，雖然冇裸露兼冇同對方身體接觸，但就覺得對方嘅眼神好古怪，加上佢用嘅係普通傻瓜機，好唔專業，我就急急腳咁走咗！」他指對方事後仍有致電邀請拍照，但遭他拒絕。

至於一眾前港男亦表示沒有拍過裸照，當中包括李善恒、彭冠期及2007年冠軍袁偉豪。袁偉豪說：「我有影過啲Casting嘅相，全部有着衫。對方冇要求我剝衫，亦冇手多多，我好識保護自己，冇畀人騷擾！」而曾拍三級片《安非他命》的彭冠期則說：「我雖然拍過三級片，但只限電影，我冇再另外影過裸照，就算有，都係電影度Crop出嚟嘅！」

影視組

張頴康自爆多年前曾拍踩界照，幸得未婚妻麥雅緻慰解。（資料圖片）

一眾男星均與裸照劃清界線，潔身自愛！
彭冠期

張景淳

李善恒(左)、袁偉豪(右)

張頴康與未婚妻麥雅緻拍拖掃貨，相當甜蜜！

戥男星唔抵 Jeana:望大步檻過

男藝人捲入裸照風波引起全城討論，以往大多是流出女藝人裸照，如今角色掉轉，不少女星都加入這城中熱話，寸嘴胸模何佩瑜（Jeana）昨日接受訪問時說：「依家啲相仲未流出市面，即係冇嘢睇啦！睇吓啲相有幾激先講！不過真係戥佢哋（指裸照男星）慘，希望佢哋可以大步檻過！」

至於周秀娜亦極表關注：「冇影過又何須自危呢？如果呢啲係工作一部分，自己影之前就已經知，用一個專業角度去睇又何須驚慌？不過我多多錢都唔會影裸照，當然亦唔會叫男友影啦！」而莊思敏則說：「我覺得冇乜嘢！影得出就畀得人睇，有冇影過自己知！如果有閃卡我都會望吓！唔只男藝人，每個藝人都要檢點私生活，唔好以為做過嘅嘢冇人知，人在做天在看！」

Jeana希望同行愛惜自己，小心言行。（資料圖片）

林夏薇：要識保護自己

對於圈中有男藝人被指曾拍裸照，袁偉豪的緋聞女友林夏薇昨日接受訪問時表示，無論男、女都應該懂得保護自己，問到可曾被要求以拍照換取工作？她說：「未試過，我一向小心！（會唔會驚訝有男藝人咁博？）人哋點諗唔知，不過做人一定要有自己嘅原則同底線！」

林夏薇強調向來有原則，小心揀選工作。（資料圖片）

羅仲謙發聲明冇拍裸照

近日裸照風波成為城中熱話，有人疑問身形健碩的藝人羅仲謙有否拍過？昨日他透過星皓經理人公司發出聲明，強調從來沒有在有償或無償的情況下拍過任何全身裸照，亦從未有參與過任何不道德的活動。聲明指出，現時流傳的半身赤裸照只是電視、電影或是廣告所用的相片，經理人公司表示今次發聲明，是要以正視聽，並保留一切法律追究權利。

另一方面，問到黃宗澤（Bosco）有否拍過穿着魚網衫的照片？他昨日接受訪問時說：「印象中冇影過着魚網衫嘅相！依家我有服裝代言嘅品牌，唔會隨便拍服裝照！（曾有人拿你穿魚網衫嘅相做Sample！）呢方面我唔清楚！」

羅仲謙曾為廣告晒胸肌，但強調未拍過裸照。（資料圖片）

黃宗澤表示印象中冇着過魚網衫拍照。（資料圖片）

周柏豪模界遇抽水同志

歌手周柏豪昨日宣傳微電影時，自爆任模特兒時曾被同志抽水：「佢無啦啦飛吻錫埋我個嘴度，我避開咗，所以只錫到嘴邊！佢又話幫我換衫，都掂到屁股o架！所以我話唔使！」他強調並非歧視同性戀者。另外，提到有傳其師妹連詩雅是其中一位涉醉姦案受害人，柏豪戥受害女星慘之餘，更說：「我話連詩雅最近行運，好似我個水杯事件咁，無啦啦多咗曝光率！（提佢出去小心啲？）佢一向好識保護自己，加上佢咁高，男仔都唔敢埋佢身啦！」