早排太陽伯伯日日開工，一班闊太就話可以匿喺IFC、Landmark「濕平」嘆冷氣啫，咁媽咪姐囉喎，去街市買餐餸啫，就已經熱到好似沖涼咁。至於一班要頂住個大太陽開工嘅藝人，日日同陽光玩遊戲，當然要諗諗計消吓暑。「城電一哥」黃日華雖然係中佬，估唔到散熱招數比女人更講究！

黃日華 敷mask補濕
做咗「城電一哥」嘅黃日華，近排跑步、踢波，曬足全日都係為keep靚個body見人。估唔到男人老狗嘅佢，返到屋企仲會敷番個補濕mask補補水，媽咪姐都冇佢咁姿整呀！

陳法拉 幫貓咪降溫
法拉出街嘅消暑良方，就係着絲質褲加露趾涼鞋。搞掂自己，佢都不忘屋企嗰隻怕熱貓咪，趁近排放緊大假，仲幫隻貓洗白白降溫。不過睇貓咪睩大眼個樣，似乎唔多enjoy喎！

唐詩詠 防曬孖寶
近日努力攝上一線花旦嘅唐詩詠，差唔多日日都拍外景，為了唔變黑炭頭，佢去到邊都帶住高度數防曬、補濕霜，仲話呢兩支孖寶係佢夏天恩物，喂喂！邊度買嘅啫 。



吳雨霏 剷青消暑
Rock妹殺出血路，吳雨霏將多年長髮，索性嚟個under cut，後尾枕再染隻搶眼綠色。媽咪姐見到佢個新look都嗌爽呀！ ####



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄