啤膠張馨予
今屆港姐喺星期一（14日）進行首輪面試，話晒睇咗咁多年，媽咪姐寧願食少餐tea，都要去「朝聖」一下嘅！嘩，睇勻136位面試者，堪稱「三低」喎。身形低，平均身高係5呎多少少，有5呎6或以上嘅，少之又少；樣貌低，唔少佳麗大概係人類進化過程中遇到阻滯，真係挑戰「視覺極限」；音準低，大部分都係國產姑娘，廣東話嗰9聲都未識晒囉。


不過隨着科技日新月異，疑似吳卓羲女友張馨予、塊面同樣「進化」到似橡膠公仔嘅國產代表Serena就成功搶鏡！嗱，媽咪姐唔係話佢靚呀，只係感嘆香港選美史又要寫上新一頁，「進化者聯盟」嚟喇！

走佬達人
「啤膠張馨予」Serena雖未正式入行，但啲避記者功夫已經十分到家。面試完畢，就出動陰招，又換衫、又去屋邨遊花園，最後仲同親友夾計，喺地鐵速逃。

嫩口應采兒
任職model嘅Roxanne，西裝褸加熱褲，裏面加多件喱士花邊打底，唔覺唔覺露少少，有自信嘅表現。青春無限好啊！

鄉村陳妍希
唔睇番啲正嘢，媽咪姐驚大家瞓唔着。嗱，《那些年》女神陳妍希冧盡不少宅男，呢位Christy都嗒得杯落，尤其嗰份清純味同女神都頗為相似，只要執走埋啲泥土味，good呀！

驚艷貞子
明明仲有兩個月先七月十四，但媽咪姐唔小心擰轉背，呢位不願透露姓名嘅佳麗突然殺出，佢染上鮮紅唇膏嘅「血牙」，驚艷到殺死唔少攝影師叔叔㗎！

銷魂李華月
貌似90年代艷星李華月嘅Teresa，無論穿衣taste同右唇角上嗰粒銷魂痣，都好似去番華姐嘅世紀，難得佢有勇氣對住鏡頭擺出嬌俏臉，OMG！最有勇氣獎非佢莫屬。 ####


面試後，「啤膠張馨予」鬼馬到喺調景嶺都會駅商場換另一件黑色戰衣，再會合兩名親友，無厘頭去調景嶺健明邨兜圈遊花園。


見撇唔甩記者，最後無奈坐港鐵去人來人往嘅炮台山站，先喺人潮中消失咗！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄