扶得多，賺得多！（設計對白）
父母早年離異，偉仔侍母至孝。母親節就嗌埋家姐同姨甥仔同阿媽食飯，仲送上兩大紮花，無偏心！加埋嘉玲扶一扶，梁媽媽心都甜晒。當然，有埋孫抱就仲好啦。
講起「五虎」，梗要講埋另一個萬人迷梁朝偉啦！母親節啱啱過咗，出名孝順嘅佢，嗰晚就同阿媽去咗中環嘅文華東方酒店嘆貴氣中菜。老實講，呢啲場面，見慣啦！今次媽咪姐想講嘅係，嘉玲呢個新抱仔，原來又真係做得唔錯噃。


話說嗰晚食完母親節飯，梁氏一家五口齊齊行出酒店，梁媽媽笑晒揸住大大紮花。嘉玲呢？攞住個手袋仔，再加多個紙袋，但都仲可以伸手扶住奶奶落樓梯喎！嘩，佢對高跟鞋有成5吋高㗎嘛，真係一步一驚心。呀！唔係，係孝心先啱。
不過咁都未算乖，喺母親節前兩日，媽咪姐仲撞見嘉玲入咗間名牌餐具店，左揀右揀成半粒鐘，估都估到係要買母親節禮物俾奶奶啦！你諗吓，嘉玲之前次次俾媽咪姐撞到，唔係買衫就揀袋㗎嘛。
咩話？你話呢啲都只係門面功夫？唉，媽咪姐以過來人身份話你知，婆媳關係嘅嘢，見面時客客氣氣，過節時送吓禮物，你吓我我吓你，夠㗎嘞！總之大家為自己「最愛嘅男人」着想，和和氣氣，咪happy晒囉！ ####  


辛苦晒！（真實對白）


呢日偉仔見媽咪開心，心情都勁靚，坐上車仲同記者笑晒。平日cool爆嘅佢仲同大家講「辛苦晒！」你話婆媳和睦係幾咁重要。


周五（11日）嘉玲去中環太子大廈買茶具奶奶，佢同sales姐姐傾咗好耐，先揀到心頭好。


買完由助手護送上車。留意吓佢對鞋，比翼雙飛呀！嘉玲出巡，果然零舍不同。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄