曾幾何時，選美出身嘅「面尖尖」緋聞多多，名單上有齊富豪同男星，繽繽紛紛㗎！不過， 大家咪睇佢喺電視上嘅角色，有時幾男仔頭，仲有啲惡死，好似唔多識「溫柔」兩隻字點寫咁樣。據幕後啲二五爆料，「面尖尖」私底下其實好識冧人，佢會懶惡咁話你一句，但又會嗲番你十句，高手呀！


呢幾年， 佢一次過做晒結婚生B兩件人生大事，「退隱」咗一排， 最近先出番嚟拍劇咋。你問「面尖尖」啲演技會唔會生疏咗？呢層，媽咪姐就唔知嘞。但講到冧男人嘅功力呢， 就一定「寶刀未老」咯！事關有朋友仔報料， 話早前喺一間私人會所式嘅酒吧入面，見到做咗人妻嘅「面尖尖」同出名嘅電視台監製「有白髮」喺度舉杯暢飲。當然，同事之間飲吓嘢，係正常社交， 之但係女方對男方挨身挨勢，成個人好似食咗「軟骨散」咁，雙眼又放出足以殺死方圓十米內雄性動物嘅電力囉！唉，媽咪姐知啲奶粉好鬼貴， 娛樂圈競爭又鬼咁激烈，但呢個世界有N咁多條路揀啫，希望做咗人阿媽嘅「面尖尖」，只係飲大咗啦。 ####



 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄