羅仲謙：我當年未係大隻仔！（真實對白）


正當全城關注23歲無綫女藝人在錄音室被姦案時，其實男星一樣會墮色情陷阱。富家公子劉定成自95年被警方在寓所搜出千多張警察「制服誘惑」艷照後，08年再在其跑馬地寓所搵到另一批猛男寫真，當中有男藝人露骨全裸照。劉公子亦涉非禮及恐嚇被起訴。本周三（16日）早上，一直以「不緊張、平常心」面對審判的劉公子早早到達法院。報稱被非禮的男藝人B先生首先出庭作證，法庭下令要把受害人身份保密。據知有男藝人為錢為出名而影艷照，引起圈中，特別是TVB不少以健碩身材做賣點的男藝人大恐慌。

 
涉私藏逾六萬張艷照的富家公子劉定成，被控非禮和刑事恐嚇3名男子，本周三（16日）在區域法院開審。同日控方傳召男藝人B先生出庭作供，B先生指05年7月認識自稱服裝品牌老闆的被告劉定成，更到對方跑馬地家中試鏡，被告聲稱可介紹受害人入行，並以金錢作餌。最後受害人同意影裸照。

鍾意有腦有腹肌
早於開審前夕，已有報道爆出三位疑似曾收錢影裸照的藝人名單。除了A、B和C藝人會上庭作供之外，男藝人羅仲謙、港男高鈞賢和袁偉豪亦被傳牽涉其中。劉定成曾說：「我喜歡有腦有六塊腹肌的人，兩者兼得是可遇不可求。」有指03年有人仍在青衣灝景灣會所泳池做救生員，月薪得幾千，其間認識泳客劉定成，後來劉定成以介紹他入行和六萬蚊現金做餌，令救生員落疊影艷照。曾當過救生員的羅仲謙，對於盛傳是涉案人物，本周三（16日）他在電視城為新劇《巴不得媽媽》趕戲時表示：「我當年瘦蜢蜢，未係大隻仔，心口平又冇肉地，就算依家有胸都唔會影（艷照）。報道話個救生員每月搵幾千蚊好窮，我嗰時一個月返足30日，每日都返足12粒鐘，一個月有萬幾蚊。屋企唔係窮又唔使我養家，我從來冇諗過用呢啲偏門搵錢。我唔識劉公子，亦冇人接觸過我。」每年的《香港先生》選舉都有半裸港男在鏡頭前騷肌露胸，亦是劉定成搵目標的好時機。據知劉公子的艷照男主角有無綫新晉小生，亦有港男。由於當時他們仍未入行，為博取劉公子的歡心，幫自己搭路入娛樂圈，他們均自願影相。知情者透露，「劉公子話自己識咩高層同監製，咁啲仔仔咪信影完相有大把機會囉！點知劉公子得個講字，影咗相嗰啲咪呻笨囉！之後有人簽咗俾TVB，驚件事爆煲會好大鑊，一早同樂小姐報定案。有啲影咗艷照嘅男藝人同劉公子一樣，都係同性戀者，為咗錢點影都得㖭！」

高層力撐
對於多位無綫男藝人被指是艷照男主角，樂易玲表示：「一定冇份，一定唔係佢哋。叫嗰本雜誌拎啲相出嚟吖！」

艷照始祖
今年62歲的劉定成，胞姊是一代賭王傅老榕的媳婦，大學畢業後，他曾赴日本及歐洲讀時裝設計，二十多年前回港後靠家財過活，除擁有跑馬地藍塘道逾千呎單位外，另有四間位於淺水灣的別墅。劉公子（外號）多年來都有影艷照癖好。95年9月中，警員調查一宗色情案時，在劉的家中搜出千多張猛男艷照，大部分是本地紀律部隊人員的全裸照片，甚至性器官大特寫。由於所有相中人都是自願拍照，而劉公子只用作私人珍藏，故他未被起訴。至08年，其中一名影裸照的涉案人再報警，警方於劉公子的寓所再搜出六萬幾張艷照，並把相簿扣起調查。去年劉公子要求警方歸還相簿，警方再以涉非禮及刑事恐嚇罪控告他。劉公子被控三項非禮罪，包括在03年4月24日、05年某日，以及07年某日，在北角城市花園酒店及跑馬地一單位內，分別非禮A、B及C三人。至於刑事恐嚇罪，則指他在08年8月22日，威嚇健身教練D令他名譽受損。劉公子的26歲契仔盧昕傑Hanson（男子組合4anda成員），亦被控刑事恐嚇男子D。

有影就揸法拉利
除了羅仲謙，高鈞賢和袁偉豪均被傳認識劉定成而牽涉此案。報道繪影繪聲寫到有人因爛賭而欠下賭債，最後迫不得已投靠劉定成影裸照賺錢還債。正在家中療養腳傷的高鈞賢本周三（16日）接受本刊電話訪問，他說：「我聽過呢個人名，亦有記者曾經問過我關於佢嘅嘢，但我真係唔識得佢。我承認我好易招惹呢啲人，亦知佢哋鍾意我呢類型，亦有男人撩過我。佢哋會美其名俾job我約出嚟見面，但我次次都搵經理人陪。我絕對冇可能影嗰啲相，如果有，依家就揸法拉利而唔係揸Honda，我都唔會住喺將軍澳囉！」就此事本刊曾聯絡袁偉豪等多位港男，但至截稿前都未有回覆。

為錢影相好搏
事件男主角劉定成於去年10月曾接受《蘋果日報》訪問，當時他自爆是同性戀者，又大爆男藝人答應影裸照主要是貪慕虛榮：「我擺明車馬，要搵我幫就要俾少少誠意，要除晒俾我睇全相。一個肯買一個肯賣，佢哋都係成年人，俾我影相時為錢好搏㗎！娛樂圈個個都貪慕虛榮㗎啦！」此案才剛開審，相信審訊期間，有做冇做的男藝人都會心驚驚。 ####

 


高鈞賢：係有男人撩過我！（真實對白）


袁偉豪


彭冠期不少港男面對今次艷照案都人心惶惶，袁偉豪和高鈞賢近期在無綫有不少演出機會，而彭冠期拍過兩部同志電影，有指他被導演雲翔包起，現在唔使撈。


保釋候審劉定成（右）與契仔盧昕傑，分別被控非禮及刑事恐嚇，今年3月兩人同穿黑衫黑褲出庭。本周三（16日）早上，兩人再到區域法院接受聆訊。《蘋果日報》圖片


雖然犯官非，但劉定成與契仔盧昕傑都毫不避忌，今年3月兩人繼續黐實行街街。


劉定成


港男人人自危 05年開始，無綫每年都舉辦《香港先生》選舉，屆屆都有六嚿腹肌男士走出嚟選港男，最易成為劉定成目標。今年無綫停辦港男，劉生咪冇得揀蟀！


羅仲謙曾做救生員有傳其中一受害人曾在青衣區做救生員，被捲入事件的羅仲謙入行前亦曾在會所當救生員，但他否認牽涉其中。


我老喇！唔得囉！謝天華對艷照事件非常有興趣，仲講笑話：「我老喇！都係留番俾佢哋啲後生啦！」邊講邊指住身旁羅仲謙，認真抵死！（真實對白）


點解冇我份㗎？城中熱估誰是艷照男主角，錢嘉樂話：「我咁肥，一定冇我份啦！（你點睇男藝人為錢影艷照？）咦！我一陣間問吓羅仲謙先！冇所謂啦！各取所需啫！」（真實對白）

arrow
arrow
    文章標籤
    艷照案 揭 男星 為錢 拍裸照 TVB 肌男 大恐慌 忽然 公子 救生 周三 刑事 受害人 被控 寓所 搜出 男主角 出庭
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄