當年今周 有人問媽咪姐，縱橫娛圈咁多年，最常見係咩？答案，係波。管你美元貶值或者人民幣持續上升， 波，係娛樂雜誌中最受歡迎嘅「貨幣」之一。且看十年前5月份第355期《忽周》封面，吳君如成功豐胸，全裸上陣影相。佢一句：「我個波最正！」道出我胸故我在， 不在乎女為悅己者豐胸，只在乎留倩影日後回味。時至今日，「波」譎仍然雲詭，33D、36C、32F，無論港產𡃁模，以至神州乳牛，紛紛胸群而出。為賺錢而露又好，為出位而露又好，縱然露的性質已經改變，但受歡迎程度依然。君不見年年書展，毒男宅男逼爆寫真區嗎？事實證明， 胸即是胸，古今中外，永遠有市兼有價。


檔案編號：第355期檔案日期：17-5-2002 ####


君如因減肥而縮胸2吋， 後來接受豐胸療程，由31A升呢至33B。十年前佢更半裸上陣，相信是她演藝生涯最大膽嘅一次。


96年肥嘟嘟君如以前出名肥，肉光四射。


00年洗衫板君如跟杜德偉分手後，積極減肥，減到剩番棚排骨，胸部猶如洗衫板一樣。


02年小小肥為演好金雞一角，君如刻意增肥，不過後來修身回復苗條，自此體重都冇乜重大上落。


早前舉行嘅金馬獎，君如低胸晚裝跟男友陳可辛行紅地氈。咁多年來，身材冇太大改變，算係keep得唔錯。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄