曾華倩睇中嘅手袋有孭又有手挽，要sales姐姐幫佢逐個試。
之前本刊拍到曾華倩陪囝囝Martin操水，突然惡媽上身，就知呢位阿媽唔少嘢。早幾日，記者喺銅鑼灣連卡佛就撞見曾華倩同助手行街，又阿姐上身，臉口仲黑過佢戴住嗰副黑超。

 
話說佢揀手袋時，睇中幾款YSL，自己唔試，竟然叫個sales孭住個袋俾佢睇吓。sales好禮貌照做，但佢唔該都無聲，仲叫個sales行前行後、左轉右擰，俾佢睇吓個效果。個sales俾佢點到陀陀擰，但呢位阿媽一副嫌棄樣，仲同助手講：「都係你試俾我睇好啲。」當日曾華倩購物慾極旺，不停喺皮鞋、手袋部來來回回遊走，最後再折返買最初睇中嘅手袋，呢位大明星真係唔易服侍。 ####

 


手袋冇斬獲，曾華倩轉場去睇鞋，試完一輪，又係買唔成，於是又返轉頭去手袋部，擾攘一大輪，終於買到心頭好！


買完手袋，曾華倩再去超市逛一圈，最後買咗麵包同果汁後，就打道回府，結束銅鑼灣一日遊。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄