00:45am大送波餅
離開酒吧時，兩杯到肚的Mia腳步浮浮，雙手捉實兼胸壓Avis落樓梯。
周秀娜男友陳偉成（Avis）懶理醋爆女友下禁慾令，近日落實接拍由錢國偉執導的情慾片《喜愛夜蒲2》。新戲未開工，Avis早前俾傳媒拍到夜會戲中女角模媽Mia（陳靜儀）。
雖然Avis事後堅稱當晚跟Mia冇下文，不過上月29日，本刊拍到二人再次瞞住娜姐在上環密會。兩人在酒吧公然調情後，Avis更深夜摸上女方的跑馬地香閨過夜，為新片提早「試戲」。
對於Avis再次偷食，向來食住男友的娜姐，睇完相片後，躁爆向Mia發砲：「咪搞我條仔！」爭仔戰一觸即發。

 
對於男友和Mia在新戲埋身肉搏，早前周秀娜醋到出面說：「Avis掂過佢（指Mia）梗係唔好掂我，呢個月有Mia咪得囉。」Mia亦不甘示弱，開晒口話想咬Avis排朱古力腹肌。

瞞娜姐密會
雖然「老虎娜」發雌威，但Avis一於少理。上月29日晚上11點，記者發現他與Mia在上環一酒吧私下偷會。Mia當晚更一反常態着便服化淡妝，架上一副黑框眼鏡掩人耳目，與同戴黑框眼鏡的Avis刻意坐在酒吧的暗角處。原本拎着劇本的Avis，根本全程冇揭過劇本，只顧與Mia摸酒杯底談心。

與Mia返香閨
傾了接近兩小時，由Avis埋單後，兩人隨即步向男方泊在路邊的黑色座駕。Avis過馬路時，甚有「風度」地輕掃Mia玉背，不久Mia亦反客為主，主動繑實對方手臂落樓梯，不經意送上波餅。二人返抵Mia位於跑馬地寓所，泊好車後，Avis即轉身隨Mia上樓。記者直至凌晨四點亦未見他落樓。據知情者透露：「娜姐知Avis一向多女埋身，自己又冇時間睇住佢。呢次Avis冇同娜姐打定底話約Mia，娜姐知道後實㷫到爆。今次娜姐真係『淆底』，驚佢哋會假戲真做。」

周秀娜見相色變
日前，娜姐於活動上表示極信任男友，但她看到男友跟Mia照片後，笑容即時變得僵硬，同時眉頭緊皺。

娜姐妙語殺敵
做得娜姐男友，條件自然有番咁上下，過去曾有不少模對Avis起痰，次次都俾娜姐出口術成功退敵。


傅穎Theresa 去年8月，Avis被斷正用其Mini Cooper載傅穎到天后睇獸醫，事後娜姐藐爆：「佢兼職幫人做司機呀？咁我要叫佢換車，換架大啲先夠坐。」


泰模Ella 10年3月，有指Avis趁娜姐到日本行騷，飛去泰國與當地模Ella胸貼胸跳舞狂歡。娜姐知道後扯火：「咁我要買定玻璃樽，罰佢跪玻璃。」


何佩瑜Jeana 去年5月，Jeana於FB公開以「With Love」留言硬撬Avis，娜姐以一句：「我近排練緊推鉛球，咩波都推得走。」擺明抗敵兼寸Jeana打假波。

娜姐：唔好搞「媽咪」
娜姐日前出席活動時，對男友再次被斷正偷會模媽Mia，更加玩到返人屋企，最初一臉自信表示唔怕男友偷食，但當看過相片後，即時火山爆發。
記：記者 周：周秀娜
記：返嚟幾日，有冇同男友見面？
周：冇呀，佢第一次拍戲，想佢專心啲。
記：怕唔怕佢同Mia假戲真做？
周：唔驚，我信得過佢。
記：我哋拍到佢同Mia出去，仲好親密喎。
周：（把照片拿上手細心研究，愈睇愈火滾兼皺晒眉）佢都好gentleman喎！過馬路連腰都攬埋，使唔使咁有風度呀！
記：Avis有冇同你講佢哋出去？
周：（強撐笑容）冇喎，佢哋可能做嘢啫。
記：半夜上咗Mia屋企喎？
周：（吸氣）總之……等我問完佢發生咗咩事，先可以答到妳。
記：驚唔驚Mia趁你唔喺香港，撬走Avis？
周：（瞪大眼）：我採取開放態度。不過，我勸佢（指男友）最好唔好搞媽咪（Mia已為人母）啦。
記：真係唔擔心？
周：……總之，叫佢（指Mia）咪搞我條仔。

甜蜜不再
周秀娜成功上位後，經常與男友聚少離多，每次放長假的她，定必與男友外遊兼餵飽對方。可惜近日兩人感情轉淡，談情畫面買少見少。

忙搵真銀

Mia :佢見過我對仔女
至於Mia上周一（7日）出席活動，被本刊記者追問與Avis過夜一事時，最初口震震指二人只是傾劇本，但知道娜姐出言警告，Mia即發難叫她先管掂男友，火藥味極重。
記：我哋見到你同Avis去酒吧攬住喎。
M：我哋傾戲啫，你哋唔好亂諗啦。
記：見到你哋兩個半夜返咗你屋企。
M：……佢送我返屋企，好快就走啦。
記：但佢上埋樓，幾個鐘都唔見佢返落嚟。
M：（口窒窒）總之我哋見面都係做嘢啫。
記：我哋之前問周秀娜，佢好嬲，警告你唔好搞佢男友。
M：（收起笑容）娜姐咁忙，可能冇時間陪男友囉，咁人哋搵朋友食飯好正常啫。佢要管就管吓自己男友先啦！（突然轉話題）不過我估唔到Avis咁鍾意小朋友，佢都有見過我對仔女啦！
至於挑起兩女舌戰的Avis，上周三（9日）在電話中，誓神劈願表示與Mia當晚純粹傾公事，送上樓只是自己有風度。「哎吔！我哋嗰晚真係傾劇本。（周秀娜話唔知你哋出去？）……你哋問完佢，佢都即刻打嚟問番我……總之我會買嘢番佢啦！」
唔知今次佢又拆唔拆得掂呢？

微博挑釁
與Avis夜會當日，Mia曾上載一段說話上微博，更意有所指說「不是每個人都適合與你白頭到老」， 甚有向娜姐宣戰意味。

挺胸還擊
上周一（7日）Mia出席活動，口震震承認跟Avis私下有見面。對於娜姐的警告，Mia即反擊，叫她先要管實自己男友。


育有一仔一女的模媽Mia，與老公離婚後，即投身模行列。估唔到做咗人阿媽依然有市場。 ####

 


Mia:擒仔冇難度！（設計對白）


00:50am借勢掃背
Avis趁過馬路時，借勢掃Mia玉背。事後周秀娜睇這張相，即皺眉說：「使唔使咁有風度呀！」


1:00am辣車載女
經過上次密會傅穎嘅教訓後，Avis賣掉紅色Mini Cooper換上黑色凌志Harrier，當晚就用它接載Mia出入。


送Mia到跑馬地聚文街寓所後，Mia與Avis在門外耳語數句，兩人隨即轉身上樓。


1:15am結伴返閨


《壹週刊》圖片


周秀娜除了忙拍劇，去年更於內地首次投資自家Label「秀娜牌」性感內衣。分身不暇，難怪冇時間睇實男友。


上月周秀娜正身在內地與方力申合作劇集《唐朝浪漫英雄》，未有時間管實男友。她 曾一度因男友死都要跟Mia拍牀戲而吵大鑊。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄