相中嘅大S化上淡妝， 着一件白色衫；老公汪小菲就着黑西裝，斯斯文文。低調中見溫馨。
仲記得大S徐熙媛同「京城四少」之一嘅汪小菲舊年極速撻着，見面三次閃電結婚。唔經唔覺已經結婚一年，依家仲好心急想生仔㖭！媽咪姐無啦啦講起呢對金童玉女，梗有原因嘅，事關日前行經長沙灣一間平民曬相舖，竟然見到有一張佢兩公婆嘅大陸結婚證件相，放喺店外做生招牌。咁就梗要入去問吓老闆啦！佢就笑笑口話：「係呀！明星都喺我哋呢度影結婚證書相㗎，大陸有規定，張相一定要係大紅底。」


相入面嘅大S微微側頭，倚向老公，笑得好鬼甜㗎！係估唔到堂堂國內「富二代」同台灣天后都會幫襯平民舖頭啫。 ####


呢間曬相舖細細間，一啲都唔起眼，估唔到竟然影咗張大S姞婚證件相。


是非婚姻結婚一年， 是非無停過，最近就話奶奶張蘭嫌大S生唔出。不過，汪生話老婆好貼心，安排離婚好耐嘅老爺奶奶同枱食飯，睇相就覺得一家人幾融洽喎。


眼見妹妹小S生咗第3個， 大S羨慕到爆。抱住初生嘅姨甥女，唔願放手。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄