Stephy笑言見到架 showroom車就覺得好靚，第一時間衝埋去影相。
名氣生活
警察抄牌
宣傳要講綽頭，負責公司產品和 marketing的羅可旋（ Victoria），每季都為季度主題搞特別的宣傳活動，「去年就有 Piano Garden，請咗失明嘅天才小朋友彈鋼琴同 Kary一齊開演唱會；今季主題係 Coat is all around，於是圍繞住 around去諗，就諗到用架車。」
這街頭時裝 road show，車住最新的衣服周圍去，任人試，而且每一站都會加入不同元素，「例如搵咗龍小菌喺旺角唱歌，但最哄動，係用彩繪畫咗花花 pattern上身的男模，同事話想吸引女仔就要搵靚仔喎。」
在銅鑼灣站，其中一日就邀請鄧麗欣（ Stephy）客串做形象顧問，為上車睇衫的客人俾意見。只是正當她換好衫準備登車時，卻遇着警察趕車，一干人等惟有由駱克道走避去京士頓街， Victoria笑言：「呢啲事都預咗，警察、食環署見到架車都會嚟查，變咗我哋要打游擊；同埋都預咗抄牌嘅 cost，整體已經抄少咗。」但 Victoria就大呻香港租金太貴，「完全扼殺晒啲創意。」
海防道的 road show，因太多人聚集，被警察趕車。 
銅鑼灣和赤柱站的畫彩繪靚仔男模。
扮公仔
Moving showroom揀啱位停低， Stephy忽發奇想，走到櫥窗位扮公仔，她說：「睇番啲相都覺得幾似（公仔），因為車廂比街高咗一級，睇落似舞台，當時突然有種感覺，如果喺流動 show room，加埋迷你演唱會，係幾好嘅 crossover。」
Stephy又好認真同客人研究，幫她們揀衫諗造型，只是對住一車靚衫， Stephy忍唔住自己揀埋一份，「喺車上面買衫覺得好得意，好新鮮，雖然呢度環境冇咁大，選擇冇咁多，但咁樣反而好精準揀到自己鍾意嘅衫。」最終她都掃了三件褸和兩條裙，真正滿載而歸。
Victoria與同事捱了幾晚通宵，用花花貼紙裝飾車廂中的衣架（圓圖）、長鏡。 
講起扮靚，三個女人即時變成一個墟， Stephy與客人傾到雞啄唔斷。
本來在車上歎冷氣的鄧麗欣，見宣傳人員在街派小冊子，主動落車幫手。 
就連職員坐的摺櫈都要扮靚靚。 
她親自在新一季的系列，精選一些外套放在 moving showroom。
撰文：李苑欣、李美媚
攝影：黃志明
留言列表
{{ article.title }}
