高皓正把女兒取名為「Rhema」，意思是「神的話語」。

靠着神的力量，女兒不僅定名為「高純意」，而且帶着微笑來到這個世界；就連醫生太太陸凱兒順產誕女時，也因着神的愛，沒半點痛楚。

在高皓正的眼裏，只要在神的懷裏，一切都美。

正如，形容為比張栢芝還漂亮的太太，即使產後餵哺母乳弄至周身酸臭汗，高皓正反覺得吸引，「好奇怪喎，太太以前好乾淨o架，生完要餵奶，成身奶酥味同汗味，我反而覺得佢好sexy、好有女人味，搞到我成日都好衝動！哈哈！其實BB出咗世，唔係要成為父母世界嘅中心，而係要讓佢融入我哋嘅戀愛生活中！」笑聲滲透着羞澀和甜蜜。

高皓正直言，太太產後渾身汗味與奶酥味，女人味及吸引力大增，竟然令他經常衝動喎。

無痛分娩

還記得畢業於中文大學的高皓正，於○二年剛出道時被冠以「中大謝霆鋒」的稱號，他的婚姻卻比正版謝霆鋒美滿得多！一○年三月，高皓正與拍拖年多的醫生女友陸凱兒結婚，女兒於今年二月尾出世，面帶微笑的來到這個世界。

高皓正憶述：「因為太太懷孕時，我哋成日同BB一齊祈禱，希望佢係笑住咁出世，點知佢出世嗰刻，『呀』咗一聲之後就真係微笑，我哋見到都好開心！」因為相信神的偉大和奇妙，高皓正與太太輕鬆愉快地迎接新生命的誕生，更把被喻為「十級痛」的自然分娩痛楚化作輕煙，安然度過。「太太用咗十分鐘就push咗BB出嚟，佢一滴眼淚都冇流過，一聲都冇嗌過，佢話唔係好痛，形容為『好似一個勁啲嘅肚屙咁』！其實《聖經》都有講過，如果一個人本身充滿住愛，神就會幫佢攞走生育嘅痛楚！」高皓正微笑着說。

高皓正表示當上爸爸後，更有男人味和更為顧家，「依家非必要嘅job都推晒喇」。

因為信仰，造就了高皓正樂觀正面的思想，他希望女兒也有如斯態度，遂改名為「高純意」，意思是任何時候都能保持簡單和純潔，原來這個名字也是神的旨意：「我同太太好想幫個女改個有『純』字嘅名，於是問吓神嘅意見，有一次去澳門同啲年輕人分享，神真係借咗一個後生仔把口為我祈禱，同意咗我用呢個『純』字。」

除此之外，高皓正也希望女兒知道自己在父母心目中的重要性，他說：「因為我六歲嗰陣，媽媽就因病過身，令我自細都冇乜安全感，所以我希望個女可以有更多嘅安全感，知道爸爸媽媽係幾咁重視佢！」

高皓正曾經公開大讚太太陸凱兒，比張栢芝還要漂亮，幸福滿瀉。