娛樂八掛大放送★

情逆三世緣 巡禮造型 關詠荷 歐陽震華 黃智賢

關詠荷（Esther）與歐陽震華（Bobby）這對「螢幕情侶」將重返無綫「再續前緣」，Esther不諱言今次再為無綫拍劇，全看在Bobby份上，更指Bobby會睇住她，不讓她捱得太辛苦。

多年沒跟無綫拍劇的關詠荷和歐陽震華，昨日返電視廣播城為節目巡禮劇集《情逆三世緣》試造型，同劇的還有黃智賢、賈曉晨，故事由古代拍到現代，更要返佛山拍攝外景，Bobby笑言聽完監製講節目巡禮片段時都覺得好「甘」，問到Esther會否怕辛苦時，她抵死笑言：「有Bobby睇住嘛！佢唔捱得o架！佢五十後o架啦！」

請人照顧女兒

問Esther是否此劇有Bobby才打動到她回來拍劇，她不諱言：「呢個都係其中之一，佢係個好拍檔，之前監製、編審都打畀我傾過，講好個日子，到我真係感興趣嘞，佢哋先度古仔。」所以劇本可說是為二人度身訂造。Esther笑言已跟編審傾過，新劇不用飛紙仔。

開工在即，Esther表示會請人照顧女兒，不過她指女兒知她開工，甚為開心：「佢話你唔喺度，就唔使成日有人叫我做功課！佢依家大個咗好啲，安全感多咗，情緒都好啲。」問到稍後會否請假陪老公張家輝出席電影頒獎禮？她指金馬獎應該去唔到，至於香港的頒獎禮到時再視乎情況。

新劇演包青天

Bobby在新劇中的古代角色乃飾演包青天，他笑言：「初時佢哋又話唔使黐鬚，依家又要，監製話原來包青天本身唔係黑臉，係中咗毒先咁樣，唔知係咪食咗豉油雞！」說到現時不少幕後工作人員都頗新，Bobby謂：「擔心都冇辦法，出得嚟行，預咗要還，我都要還劇債，欠無綫五十集，還咗先好，費事欠人。」他又指明年會開拍梁材遠的新劇。

關詠荷和Bobby再度合作，默契十足。

Bobby與關詠荷甫見面即雞啄唔斷，自拍一番。

關詠荷新劇穿越時空，過足戲癮。

劇中黃智賢飾演國師，與關詠荷和Bobby譜三角戀。