4/10 11:55pm
祖兒喺臨近凌晨 12點單拖到灣仔皇鳳開 P，之前司機已接咗師兄去餐廳，點都唔想俾人影到佢哋同車。
FBI
祖兒師兄開 P前後腳
上週四（ 4日），鄭希怡嘅星級化妝師男友 Andy Leung做老闆嘅 D-mop Beauty開幕，一大班好友謝霆鋒、陳小春、劉浩龍等都有去捧場，老闆娘 Yumiko仲飲到 high high哋添！
同場唔同車
自從同祖兒拍拖之後，師兄劉浩龍穩重咗好多，以前去 P一定玩得最癲，家吓成個人斯文晒， FBI當晚見到佢都冇咩點飲酒，只係不停同人微信對話，斷估都係同女朋友啦！
FBI走 嗰陣，由安蘭街行到去擺花街，見到祖兒架「 JY」 7人車，唔使問阿貴，梗係等緊師兄啦！之後仲一班人去 咗灣仔，前 Sun Boy'z成員 Dennis有份投資嘅皇鳳燒烤再同 Andy慶祝，不過呢對情侶前後腳到場，食到 1點幾就分開走。其實佢哋兩個拍拖咁鬼 sweet，班朋友又支持，唔使咁避忌喎！
師兄到 D-mop Beauty企定定畀 FBI影完相就急急腳入場。肥咗穩重咗嘅師兄，肥肥哋好攬呀！
祖兒一落車就見到阿徐，兩位 喺門口吹 咗陣水先入去食 嘢，其實師兄一早已經入 咗去。
9:40pm
師兄出席 Andy化妝店開幕， 喺 party只係企埋一邊玩微信，有 staff畀香檳佢都唔要，變 咗乖乖仔，祖兒放心啦！
10:20pm
祖兒架「 JY」 7人車一直泊 喺擺花街等師兄。
梁詠琪都係 Andy客仔，不過去 咗西班牙慶祝結婚 1周年，而新簽 model胥力文（ Amber）就由上海專程飛返香港出席。咁識做，唔怪得 Andy搵佢做 D-mop Beauty嘅 image girl啦！
霆鋒同 Andy好鬼老友，知道 Andy開鋪，又送花籃，仲親自到場祝賀。
榮升老闆娘 嘅 Yumiko喺 party鬼咁 high，個個見到佢都話要飲番杯，都幾難唔醉。
留言列表
{{ article.title }}
