Gangkiz 7個成員年紀由 23歲至 29歲，雖然隊員比較成熟，但個個身形 keep到腰幼腳長，着起高踭鞋跳勁舞，特別好睇。
韓面
攞硬新人獎 長腿 Gangkiz撩打 T-ara
韓國女團近年唔只橫掃全球，仲年年有新血加入， 2012年上半年有李孝利師妹 SPICA上位；下半年輪到 7人女子組合 Gangkiz等攞新人獎。
由 7位長腿姐姐組成的靚女組合 Gangkiz，好似少時一樣大堆頭，最叻着高踭鞋跳勁舞，尤其隊中主將李海仁， 33C有料身材唔怕晒，成韓男新寵。最近佢哋嘅師姐 T-ara因內訌搞到人氣急跌， 7位一體的組合 Gangkiz即刻乘虛而入，趁佢病攞佢命啦！
密上人氣歌謠
早前谷新歌〈 MA MA〉， Gangkiz去韓國 SBS電視台皇牌音樂節目《人氣歌謠》唱足成個月，成為暑假曝光率最高新女團。
多產新女
出道唔夠半年， 5月出處女 EP《 We Became Gang》後， 6月再出多張《 MA MA》 EP，到 7月又出多張《 A-PA》 EP， 3個月內連出 3碟，認真多產。
跟 T-ara同屬 Mnet Media旗下藝人嘅 7人女團 Gangkiz，同 T-ara一樣，主要走跳舞勁歌路線，但 Gangkiz特色係最緊要靚聲，雖然隊中成員 23歲至 29歲比較成熟，但個個嗌得又夠氣。
海仁愛晒咪
於今年 5月出道的 Gangkiz，至今已出過《 We Became Gang》等 3張 EP，經常成為韓國音樂節目如《人氣歌謠》及《 Music Bank》等常客。由於最近 T-ara因隊員內訌導致人氣急跌，有傳 Mnet Media方面打算力捧 Gangkiz取代 T-ara。有後台照住， Gangkiz年尾橫掃新人獎應該冇難度。
Gangkiz唔只唱得，仲好睇得，尤其今年 26歲的主將李海仁。短頭髮的海仁，外形清爽，仲有 33C索女身材，入隊前已拍過不少性感相，入隊後唔係齋同 Gangkiz一齊唱歌跳舞，最近仲踩過界，主演 SBS電視台新一季韓劇《五隻手指》，成為最快跑出隊員。
最紅主將入隊前晒咪
33C海仁
Gangkiz中最受歡迎成員李海仁，未入隊前影過唔少性感相，擁有 33C索樣身材嘅海仁，當年亦唔怕露，着起比堅尼晒索爆身材。
專攻宅男
大受學生哥歡迎嘅海仁亦係 CM搶手貨，唔只 EPSON打印機，連韓國遊戲商 Gamevil都搵佢做代言人，專攻宅男市場。
撈埋電視
SBS電視台最新一季韓劇《五隻手指》，海仁亦有份演出，雖然只係配角，但同男主角朱智勳有唔少對手戲。
智賢抽玄彬水
除海仁外，今年 29歲隊中年紀最大的黃智賢，亦有唔少新聞。入隊前，智賢已拍過唔少韓劇，但多做大茄。最為人熟悉是智賢曾經同靚仔演員玄彬傳過緋聞，但加入 Gangkiz後智賢就話唔想抽舊愛水：「每次我有新挑戰，啲人都會提起玄彬個名，希望大家以後只會提我黃智賢個名。」咁樣開人名法，成功爭取抽水機會喎！
29歲隊中最大年紀嘅黃智賢， 07年曾被人影到同靚仔玄彬戴住口罩行街拍拖，但撻着一年後，因受唔住壓力，最後分手收場。
勁舞 90後
'12下半年 Gangkiz大熱，另外亦有 2隊韓妹團，好似 4人組合 She'z同 8人女團 AOA，都係長腿舞女，大部分係 90後勁嫩口。
AOA賣嫩口
8人女團 AOA，成員最細為 16歲、最大為 22歲，專 sell長腿，必殺技係着斗零踭跳勁舞，處女細碟《 Angel’s Story》已於暑假推出，由於同 Gangkiz一樣人多勢眾，係 Gangkiz最大勁敵。
She’z賣籮柚
被封為翻版 SISTAR嘅 4人女子組合 She’z，成員由 19歲至 23歲，勝在個個青春嫩口，至叻扭腰趷籮，專攻學生哥市場。
留言列表
{{ article.title }}
