社交圈

落力演出

2012年12月13日 ~~ 第1188期 香港《壹周刊》

有名人，有場景，都不等於一單 function會好睇，不過總有 啲識做之人，用少少伎倆就引到人注意。

琦溫絲莉　黐到實




本週日，奧斯卡影后琦溫絲莉以浪琴表代言人出席沙田馬場的浪琴表賽事。琦溫絲莉真人好嬌嗲，去到邊都繑實男友。而當日郭富城亦以代言人身份和琦溫絲莉同場，問琦溫絲莉有冇見過郭富城？她友善地答：「希望他的愛駒能勝出，我樂意為他拉頭馬。」 

Lisa S.　連走幾場




名模 Lisa S.自宣布佗 B女三個月後，各大活動爭住搵佢。上週三晚 Lisa出席 LV活動時，還著住五吋高踭鞋，搞到訪問她的記者要攞個箱墊高自己，拉近距離。 Lisa開心話：「 Daniel（丈夫吳彥祖）好擔心，佢已經諗定個女第日帶男友返屋企會有咩反應。」 

何超瓊　落力飲




上週五何超瓊出席日本新媒體動漫藝術展晚宴，到場時佢塊面已經紅晒，擺明啱啱 happy hour，但頭腦依然清醒，問到細妹何超儀捲入黃浩食肆「開飯」短片，佢話：「以我理解佢兩公婆好緊張身體，會做運動，有時出去狂野 咗 啲，可能俾人誤解。」飲酒同撐阿妹同樣落力，大家姐好 嘢！ 

張名雅　落力舉


港姐冠軍張名雅上週三出席 喺澳門舉行 嘅名釀慈善拍賣晚宴，坐 喺隔籬 嘅澳博董事吳志誠（右）係咁叫佢舉手投酒，張名雅亦聽話係咁舉，終於以八十五萬投得一九二九年 嘅 Pommard Rugiens，張名雅話：「希望來賓見到我 哋會踴躍 啲捐錢。」不過嗰八十五萬，佢應該冇份俾囉。


競投落實，拍賣官讓張名雅親自扑槌。



戴妮廷　認真試床


攝影師戴妮廷上週五出席周啟邦兒子代理的 Treca Interiors Pairs床上用品活動，面對咁多鏡頭，佢一啲都唔怕尷尬，成個人撻 咗落床試瞓，「我經常去旅行影相拎重嘢，細個又整親尾龍骨，所以對床褥好講究，要臨場體驗吓。」





Rosemary　出盡力


模特兒 Rosemary和 Ana R.上週六與其他模特兒老友在淺水灣參加慈善沙灘比賽， Rosemary開心話：「我 哋玩 咗六個遊戲，得到全場亞軍。」睇見佢哋玩 water rafting和扯大纜時唔理儀態出盡吃奶力，抵贏嘅！







撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄