何韻詩想領養 爭取同性婚姻
何韻詩日前在4,000人前勇敢高呼「我係同志」，放下包袱的她承認曾與圈中人發展首段同性戀，但期間承受不少壓力，最終分手收場。她希望找到一個可公開的終身伴侶，並與對方到容許同性戀婚姻的加拿大註冊結婚，如有能力更會領養小孩：「希望得到大家祝福。」
何韻詩日前到電台宣傳新歌《無臉人》時，遭記者窮追猛打有關她與過往緋聞女友關係，她維護一眾緋聞女友說：「唔逐一評論，大部分係假。」當問到有網友指密友容祖兒是雙性戀時，阿詩一臉無奈說：「好難答。」怎料一句「好難答」卻惹來很大反應，祖兒經理人霍汶希透露祖兒閱報後情緒崩潰，終日在家狂喊。
大部分緋聞係假
阿詩前日接受訪問，再被追問過往的情史，她大方透露入行後才發展第一段戀愛。問到對方是否圈中人？阿詩避談說：「你都係圈內人啦！（咁係咪？）總之入行之後先拍拖。（有傳你同祖兒拍拖，係咪事實？）唔答，只可以講大部分緋聞係假。」問到對雙性戀有何睇法？她謂：「愛去到尾都係個心，心係冇性徵，每一個人都有兩方面潛能。（接受舊愛係雙性戀？）冇話接唔接受到，呢個世代好多人可能有兩方面嘅經驗。」
母愛氾濫的何韻詩很希望領養小朋友組織家庭。
有指祖兒因阿詩的言論以致情緒崩潰。
問到有否試過被棒打鴛鴦？阿詩收起笑容，想了一會才說：「唉！以往咁多年，因為同性戀呢樣嘢喺社會同娛樂圈咁有爭議性，變咗你同邊個一齊，係一個公眾人物會有好多考慮，我只能夠講希望有一日可以有一個另一半可以公開地話畀大家聽，得到大家祝福。（咁有冇試過？）會有一定壓力，無論同任何人拍拖，對方嘅家長、身邊人都有壓力，即使有另一半都會面對呢啲問題。」
年屆35的阿詩笑言已一把年紀，結婚亦是目標之一：「我係一個好嚮往家庭生活嘅人，曾經都想喺30歲前可以有呢一日。」由於她擁有加拿大國籍，加上當地同性戀結婚合法化，故她有意到當地註冊結婚：「唔通等到香港同志婚姻可以立法？我諗我都60、70歲，我驚我冇咁長命。（有冇諗過有下一代？）有諗過領養，如果到時有能力都會，其實同自己生冇分別，都係一個小生命。」阿詩強調雙親在她20多歲時已意會她是同志：「咁多年又冇男朋友，到某一個時候成日有個女性出現，慢慢會意識到。（父母見過你女友？）知呀，以往真係正式嘅另一伴佢哋係知道。」
冇乜值得變敵人
阿詩強調對感情專一，問到上一段戀情是否和平分手？她說：「以前嘅嘢唔會仔細回應。（可以同舊愛做番朋友？）我係和平嘅人，基本上過咗去冇乜值得變成敵人。（可以同舊愛翻撻？）兩個人如果要分開有一啲原因，我唔係亂話唔啱就分手，我喺感情入面唔識鬧交，我係講道理嘅人，講分唔分手係好理性。」提到祖兒及劉浩龍等問題，阿詩全以「唔答」、「好難答」、「唔識答」回應。當年三人不時三人行，問到此情是否不再？阿詩說：「你自己有眼睇，仲要去評論？」另外，阿詩昨日在微博留言：「某些時候，沉默，不代表懦弱，而是內心的壯大。」
採訪：火品木
場地：都會海逸酒店
化妝：Hubei Har@Atelier d' Arris
髮型：Jimmy Chan@Hair Culture
服裝：Diesel（Ricky Sham）
何韻詩封口拒提祖兒
勇敢站出來承認「同志」身份的何韻詩，對婚姻、家庭生活非常嚮往，計劃將來返加拿大註冊結婚，曾與容祖兒不能分割的阿詩，堅決地不肯回答有關這位「密友」戀情的問題，但坦承過去與圈中人拍拖承受着不為人知的壓力！
阿詩開腔親證「同志」身份，引起很大回響，35歲的她直言有結婚目標：「我都一把年紀！我係好嚮往家庭生活嘅人。」持加籍護照的她坦言返加拿大結婚是唯一選擇：「唔通等香港同志婚姻可以立法咩！到時我諗都6、70歲，我驚我冇咁長命！」阿詩甚至有計劃領養BB，她說：「見到好多外國夫婦領養小朋友，其實唔係完全關乎我嘅性取向，而係覺得應該要做呢樣嘢。」
阿詩自爆入行後才第一次談戀愛，她相信行內人早知其性取向，她說：「都係一個公開秘密、默認狀態，我從未正面否認。」獲父母支持的阿詩表示早在二十多歲時，父母已意會到她的同志身份，問到女友曾否見家長？她說：「以往真係正式嘅另一半佢哋係知道。」
望獲世人祝福
過往有不少緋聞的阿詩，跟祖兒的「密友」關係最惹人談論，問到與祖兒拍拖是否事實？她不置可否說：「唔答！大部分（緋聞）係假！」對祖兒與劉浩龍拍拖、三人的友情關係等問題，阿詩以堅定口脗說：「唔答！（不再三人行？）乜嘢呀？你自己有眼睇啦，仲要去評論。」
談到對「雙性戀」的看法，阿詩認為愛是講求內在，她說：「愛呢樣嘢最尾都係講個心，個心係冇性徵，呢個世代好多人可能有兩方面經驗。」阿詩承認與圈中人拍拖有一定壓力，至於可曾被棒打鴛鴦？她感慨說：「唉！無論同任何人拍拖，對方嘅家長、身邊人都有壓力，咁多年嚟同性戀喺社會同娛樂圈咁有爭議性，我希望有一日有另一半時可以公開，得到大家祝福！」
此外，阿詩昨日接受查小欣專訪，有指祖兒被她拉落水扯到雙性戀問題而崩潰，她無奈說：「每次都係記者提起祖兒，我只係作答完全被動。」她表示沒有致電慰問祖兒，因為非她親耳聽到，所以不會當真。對事件影響到與祖兒的友誼感到可惜嗎？她抖大氣說：「佢公司表明唔想我提佢，我實在唔方便再回答關於佢嘅問題。」
音樂組
與祖兒的友情受影響，令阿詩大感無奈。
有指祖兒崩潰痛哭，欲與阿詩割席。（資料圖片）
阿詩衝破關口公開性取向，希望能夠得到眾人祝福。
留言列表
{{ article.title }}
