10月 31日
深宵詳談
11:05pm
當晚黃德斌和戚其義等人在圓方密斟，一傾傾足三粒鐘，二人離開時一臉嚴肅。
娛聞樂
城電開台未有期 戚其義急組公司 靠阿佘響朵
無綫神劇監製戚其義，在無綫製作的劇集出名另類，可惜一直不獲公司認同。此處不留人，戚其義原定過檔「魔童」王維基的城電 CTI，但對方的免費電視牌照遲遲未獲發，開台遙遙無期。
擔心成炮灰的戚其義，近日決定縮沙，自組公司製作劇集，更會找來佘詩曼、林保怡和
邵美琪等昔日愛將打響頭炮，再選擇賣俾內地、 CTI，甚至娘家 TVB。日前，記者發現戚其義與愛將黃德斌和簡慕華密斟，其間戚更開出薪酬高一倍的「吸引價」利誘二人，明益老友。
戚其義離巢消息早聞樓梯響，去年播放《心戰》時，眼見自己十擔心機拍攝的作品被公司冷待，心灰意冷的他原打算過檔「魔童」王維基的城電 CTI，獲對方加雙倍人工至 10萬月薪，更可以自由創作劇集，可見「魔童」開出條件誠意十足。本來雙方傾得八八九九，只欠落筆簽約，但戚其義近日見政府對於發牌予王維基一事採取「拖字訣」，亞視又出來做「大龍鳳」阻止政府發牌，開台遙遙無期。經過深思熟慮，戚其義對於過檔城電決定打退堂鼓。
搵自己友
2:00am
除了黃德斌外，戚其義當晚亦搵埋簡慕華和兩位幕後人員商討，為開公司作準備。
你出聲我實撐你！（設計對白）
大陸水喉射住
戚其義與周旭明（左二）本打算搵埋鄧萃雯和蔡少芬打響頭炮，但鄧仍未答覆，而 Ada宣布有喜三個月，合作事暫且擱置。
戚其義近日決定與同樣離巢的編審好拍檔周旭明自組公司製作劇集。知情人透露，「其實唔止 CTI搵過阿戚，連湖南衞視都有搵過佢過檔，不過佢應承王生（王維基）在先。依家 CTI嗰邊開台危危乎，咁啱有個大陸富商肯揼水俾佢，阿戚咪索性開公司拍劇，再賣俾電視台囉！其實佢手頭上已經有幾個劇本，除咗一個係古裝宮廷劇，另外嗰啲都會講政治，要睇到時邊個台肯買。」
戚其義近日已率先向昔日愛將佘詩曼、林保怡等拍過膊頭表明動向，頭炮一定會搵「自己人」。對於阿戚的好意，阿佘上周六出席活動時坦言：「我都想喺國內同阿戚、周旭明再合作，始終《天與地》對我嚟講係個美好回憶。」
黃德斌加薪一倍
除了搵阿佘開劇響朵，上月 31日哈佬喂當晚，本刊發現戚其義和周旭明愛將黃德斌及簡慕華到圓方密斟。
知情者透露：「平時德斌除咗拍阿戚啲劇，都好少監製搵佢。嗰晚佢哋出嚟都係傾阿戚自組公司啲嘢。德斌、 Rachel（簡慕華）同阿戚拍檔慣，頭炮點可以冇佢哋份。阿戚會俾萬五蚊一集，德斌同 TVB只係普通演員合約，佢可以自由身拍出面啲劇， TVB最多抽佢 10%佣！算唔錯啦！」
對於老死阿戚搵拍劇，黃德斌在電話中十分避忌說：「嗰晚傾吓偈啫，平時都有出嚟食飯。（阿戚有冇同你講開公司加你 1倍人工？）……呢啲你問番佢哋啦！但在公在私，我梗係會支持佢啦！」戚其義截稿前仍未回覆本刊。
亞視城電㷫
政府一拖 3年，遲遲未為新免費電視台作出交代，除了阿戚轉軚唔過檔，其他已過檔 CTI的藝人亦開始感到徬徨。至於「魔童」王維基近日開始發難，講到明俾政府一個月時間，否則會提出司法覆核。相反本身屬免費電視台的亞視，日前卻直播節目搞騎呢騷反對政府發牌，擺明同王維基過唔去。
亞視主席王征今次搞場大龍鳳，卻不獲大眾支持，單日已收到過千宗投訴。
創意無限的網民惡搞亞視騎呢舞步為「仆街 style」，更發起下周六包圍亞視總廠。相信王征冇諗過會咁大迴響。
近 200名演藝人（包括杜琪峯、黃百鳴）、學者在報章刊登聯署聲明，促政府發牌，以行動撐王維基的城電。而周三更有指王維基發電郵俾內部同事，希望以「一人一信（電郵）」聯署支持發牌。單睇牌面，城電贏亞視成條彌敦道。
贏口碑輸收視
戚其義與周旭明可謂無綫的金牌孖寶，早年兩人合作的《創世紀》系列及《金枝慾孽》等均叫好叫座。近年兩人一反傳統，開始創作另類神劇，如口碑好的《天與地》、《心戰》等，可惜師奶唔 buy，收視僅僅過關。
《天與地》平均收視 26點
《天》劇因涉及敏感食人題材及有涉嫌影射六四事件，內容較出位。 
《心戰》平均收視 24點
《心》劇描述人性沉淪，劇中歹角以陰暗面教唆殺人，場面血腥，令人看了不寒而慄。 
留言列表
{{ article.title }}
