狀態大 fit的 Jade上週二（ 8日）在觀塘影樓拍攝明年 1月 20日開鑼的演唱會海報，面瘦腰幼，點睇都唔似人妻。

 

嫁咗兩年，養尊處優唔憂做的 32歲關心妍，開晒口話生仔前最後心願是想再開個唱。可惜因檔期難度、同舊唱片公司唔啱傾，又話明怕分薄情同姊妹的欣宜資源， Jade心願一直難圓。
上月中，關心妍重投星娛樂做一姐後，立即接手明年一月原本屬於鄭融的紅館檔期。上週二為影演唱會海報，更不惜狂減 23磅，正式宣布相隔 7年再踏紅館！

今年六月，關心妍與 Neway大少兼陳法拉老公薛世恆打骰的星煥娛樂約滿後不再續約，有傳被指爭做一姐爭開騷不滿唱片公司資源分配不足。 Jade鄭重否認傳聞，表示當正同公司的欣宜妹妹一樣，不想分薄事業剛起步的欣宜關注才決定不續約。不到兩個月， Jade便重投薛二少薛嘉麟揸旗的舊公司星娛樂。



減肥成功信心返晒嚟， Jade聽形象指導話，真空拍攝演唱會海報。

祖兒班底連化妝師都用天后祖兒御用聖手兼 Zing徒弟 Arris Law， 32歲少婦都化到 sharp醒晒！

 

薛老爺新寵

再次簽約，除了新公司識做，將鄭融的紅館檔期餵埋口，為她再圓紅館夢外、亦有傳關心妍與薛家「二少奶」諸葛紫岐關係密切。
據知情人士透露，諸葛雖然有份穿針引線，但最大原因是大老闆薛濟傑多年來都是關心妍忠實歌迷：「大薛生 11月 9日生日，公司好多歌手都出席，不過切蛋糕時，大薛生就指定要 Jade同佢一齊切。同事都唔覺得出奇，因為大薛生一直都覺得 Jade有天后級實力，話明出年要傾盡公司資源幫佢谷個唱。」

點減 23磅？

1.週一至週五只准食西蘭花、枝豆和適量紅肉。
2.週六日可食適量澱粉質。
3.每日運動半小時，包括跑半小時樓梯。

高峰期 120磅的幸福人妻關心妍，地獄減去 23磅，成功達標變紙板人，史上最索。



97磅紙板人

120磅大水泡
地獄減肥拍照當日關心妍只食咗碗魚蛋河；為咗靚靚，係要有少少犧牲。
地獄減肥拍照當日關心妍只食咗碗魚蛋河；為咗靚靚，係要有少少犧牲。

 

Fit過未嫁時

明年 1月 20日入行 10年個唱開鑼，大薛生落旨力谷，上週二（ 8日）關心妍影海報，班底亦盡是天后級陣容， Jade更用獨門減肥法兩個月狂減 23磅，以入行以來最 fit狀態真空拍攝。
「身材 fit咗自信心都強 啲，我真係第一次咁大尺度。其實今次真係為 咗圓夢，應承 咗老公開完騷就生 BB，既然係最 fit一次又有機會係最後一次，信我，真係咁多年最性感！」有好歌聽又係 Jade最性感一次，大薛生實一早內部訂購最靚位啦！



照顧妹妹今年 6月約滿星煥，有傳 Jade不滿公司資源分配不公，其實人妻 Jade是不想分薄情同姊妹的欣宜關注才轉投 Neway。

密友拉攏與前同事兼 Neway大少奶陳法拉冇兩句， Jade與二少奶諸葛紫岐私交甚篤，有傳簽約 Neway就是諸葛功勞。《蘋果日報》圖片

未正式公布開騷，公司已為她印咗宣傳海報賀她攞到「香港傑出義工獎」，提前為演唱會造勢！
大老闆撐上月薛老闆生日， Neway大老闆薛濟傑就指定一姐 Jade齊齊切蛋糕， Jade亦識做送上萬多元的名表做禮物。
大老闆撐上月薛老闆生日， Neway大老闆薛濟傑就指定一姐 Jade齊齊切蛋糕， Jade亦識做送上萬多元的名表做禮物。

 

Neway招兵

愈做愈大的 Neway旗下除了張智霖、鄭融、鍾嘉欣、 HotCha外，更密謀擴張唱片及經理人部門，除咗落實一鑊撬走方力申和 Stephy呢對金牌大風情侶檔，據悉更會向龍頭公司天王天后埋手，爭做唱片界超級班主。


舊歌手
舊歌手
新加盟
新加盟
情侶檔方力申、鄧麗欣年尾約滿金牌大風，鐵定齊齊過檔 Neway。
情侶檔方力申、鄧麗欣年尾約滿金牌大風，鐵定齊齊過檔 Neway。

arrow
arrow
    文章標籤
    jade neway fit 公司 唱片 演唱 大老 天后 薄情 班底
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄