博出位
同志出櫃日
早前同志平權議案 喺立法會被否決，激發本港大批同性戀者站出來，上周六(10日)齊齊去遊行。帶頭 嘅除 咗有立法會同志議員陳志全(慢必)同提出該議案嘅議員何秀蘭外，最矚目係傲然出櫃 嘅何韻詩 喺台上大叫：「我係同志！」
阿詩終於肯認係 Les，仲 喺微博公開多謝黃耀明 嘅鼓勵。當日唔少老友亦親身到場支持阿詩，不過前密友容祖兒掛住同劉浩龍拍拖，事不關己咯！
4千同志晒冷
何韻詩父母撐腰
何韻詩經過深思熟慮，徵詢過老闆林建岳意見，又得到父母全力支持，才高調參加遊行，再 喺集會上公開認同志。填詞人好友黃偉文同阿詩父母一直陪伴左右。阿詩事後寫 咗一封信放上微博抒發心情，亦公開感謝明哥(黃耀明)對佢 嘅影響。
出櫃信
遊行翌日，阿詩寫了一封信放上微博，解釋為何要出櫃。
向明哥致敬
徐濠縈直人愛同志
徐濠縈雖然已經結婚生女，但亦身體力行出 嚟支持阿詩、明哥同 Wyman等好友，不過 喺微博講明自己係「直人」，等大家咪誤會。遊行主題係彩虹，阿徐鮮紅上衣襯血紅嘴，去遊行都襯到絕，真識搶鏡。
黃耀明做先驅
自認同志 嘅藝人唔多，黃耀明係繼哥哥張國榮後，最夠薑 嘅一位。當日明哥去到邊都非常受歡迎，就連岑建勳亦專登 嚟撐佢。明哥公開分享經驗，「當年 15、 16歲唔敢講自己係同志，內心非常壓抑。到我 40、 50歲人先 come out（出櫃），人生冇咗一半，太遲啦！」
攬實岑大哥
對於明光社總幹事蔡志森周日喺《城市論壇》多次將同性戀與肛交相提並論，明哥即喺網上反諷對方，果然係同志先驅。
全站熱搜
留言列表
{{ article.title }}
