今晚開波喇！（設計對白）
個肚隨時 ready！（設計對白）
四條一會展婚禮現場，郭晶晶掩肚繑實霍啟剛出場會見傳媒，隨即惹來大肚疑雲。巡迴婚禮終於搞掂，難怪二人不時甜蜜互望，準備谷 B。
上流滙
調經兼醫脊椎 郭晶晶全力谷 B
豪門婚事，值得大事鋪張，不過大家期待已久，霍啟剛和郭晶晶這場世紀婚事，似乎誇張過龍。上月初先在郭晶晶家鄉河北保定區接新娘擺酒，上周六（ 10日）則南移到南沙宴請強國猛人，周日（ 11日）再壓軸於會展筵開百五席盛宴，誇張過巡迴演唱會。這場耗資幾千萬的大龍鳳終於完結，郭晶晶由國寶榮升做闊太。不過要在霍家站得穩，大前提當然是為霍家繼後香燈。
談到生兒育女，今年 33歲的霍啟剛曾透露：「我 哋都鍾意小朋友，一切順其自然，雙方家庭都冇俾壓力，只希望我 哋生活愉快。」話雖如此，原來兩親家早已各自發功，全力催谷「剛晶」造人。
國寶解禁
結婚唔咀唔得，於是在司儀曾志偉慫恿下，「剛晶」終於互咀三秒，全場起哄。時間係少，但話晒係國寶首度解禁，呢一幕都值五百蚊人情。
有 heart短片
豪門婚禮唔一定拘謹，「剛晶」於是向荷里活電影《醉爆伴郎團》取經，拍了一段講述「霍啟剛結婚遲大到」的短片，賓客邊睇邊笑。
《蘋果日報》圖片
名醫治脊椎
霍啟剛是霍家大仔，所以老竇霍震霆恨抱孫恨到出面。周日（ 11日），他於這場婚事的最後一個婚宴，當住過千賓客，開到口催新人生 B︰「婚禮後，希望佢 哋唔好再拖拉，趕快為霍家添丁啦！」但生仔始終並非一時三刻搞掂，郭晶晶父母為了鞏固女兒於霍家地位，不惜狂煲湯水俾晶晶。知情人士說：「晶晶底子向來唔係太好，所以佢媽咪一直燉湯俾佢飲，希望晶晶嘅子宮回復女性應有嘅狀態，令經期正常番。」
有「跳水皇后」美譽的郭晶晶，童年已開始為國家効力，長年累月接受艱苦訓練外，其實她還長期服藥，減低出賽遇上經期的機會，搞到經期大亂。除此之外，晶晶為了國家，曾患過胸膜炎和椎間盤突出，後者絕對影響她生仔的計劃。知情人士說：「晶晶嘅第三椎間盤突出，即係第三節脊椎移位，佗 BB條腰嘅負荷比一般孕婦重，所以啟剛之前已經帶晶晶去自己家庭醫生度做咗詳細檢查，仲話日後真係有 BB嗰陣，要每個禮拜做檢查至放心。」
朱玲玲滿場飛
娶新抱，朱玲玲當然坐主家席，更興奮到周圍跟汪明荃等賓客影相。
霍震霆全程避
本來被編與朱玲玲一齊坐的霍震霆，當晚為了招呼特首梁振英而調位。縱然霍朱離婚已經年代久遠，但二人當晚冇乜交流。《蘋果日報》圖片
羅康瑞高姿態
跟老婆朱玲玲有兩張枱距離的羅康瑞，亦並非形單影隻，親自送李兆基離開，擺出半個主人家姿態。
郭雙親低調
被指只收五百萬禮金的郭父郭母，上周六（ 10日）搭大巴到達南沙婚禮會場時，拒絕接受訪問。而一對新人當日亦唔肯見記者，發相補數，咁何解要邀請記者採訪？《蘋果日報》圖片
學做港妻
伏明霞教生仔
據知郭晶晶請教師姐伏明霞生仔秘訣，的確搵啱人，事關伏婚後已生了兩子一女。不過若要請教減肥心得，就千萬唔好搵脹爆的伏幫手。
縱然郭晶晶年前已憑「優才計劃」成為香港人，但由於她婚前還跟父母同住北京，對香港其實頗為陌生，早前她就向伏明霞取經學做港妻。知情人士說：「晶晶婚後入住霍家大宅，司機助手任用。但晶晶都想喺香港有自己生活圈子，於是叫伏明霞介紹咗一班闊太朋友俾佢識。」據知晶晶谷 B期間，會進修語言、藝術創作等幾個不同課程，希望完成造人大計後，可以發展藝術事業。
嚇人賓客
成龍追女
成龍以招牌動作影完相後，一見傅明憲單拖上電梯，便立即「衝！前！去！」追住打招呼。
超盈過露
留言列表
{{ article.title }}
