攞獎最緊要造型靚！（設計對白）

香港金像獎於週日舉行，今年憑《桃姐》威到盡四度封后的六十三歲葉德嫻，以及由大前年開始行攞獎運，至今在唔同國家連掃七個獎的五十歲惠英紅，成為今年最佳女主角及最佳女配角大熱，雖然贏面大，不過兩人在賽前依然冇怠慢，葉德嫻為靚狂換造型，惠英紅則苦練身形，兩個加埋過百歲的老薑繼續賽前加操。

環保著舊衫
第三十一屆金像獎舉行在即，一班候選藝人日前排隊拍攝特刊，大會一視同仁，無論中港台，每人只限三粒鐘拍攝時間，不過，超級大熱葉德嫻依然影到超晒時。「大會安排咗首飾同幾套衫俾Deanie姐（葉德嫻），但大部分都唔啱佢心水，啱心水嘅偏偏又唔啱身，因為係贊助，唔可以改，最後Deanie姐決定著番舊衫，嗰件衫之前《桃姐》慈善首映都著過，佢將下身改頭換面，變咗一條豹紋裙；至於頒獎禮嗰日著咩衫，主張環保嘅Deanie姐隨時會改舊衫再著都未定。」一名工作人員說。唔靚唔影，對人對己同樣有要求的葉德嫻，拍照當日變身總指揮，燈光、鏡頭全部有意見，因而超過限定時間。「Deanie姐好professional，因為佢識所以先會俾意見，攝影師最後都配合到，其實唔識嘅人唔會夠膽俾comment，係Deanie姐先可以，其實佢唔係介意個樣唔靚，重要係有冇神采。嗰日影到超晒時，搞到要劉德華等，佢都話唔好意思。」

飲奶打斛斗
葉德嫻影到過晒鐘，另一大熱惠英紅就三扒兩撥搞掂。近年保持體重在一百磅左右的她，賽前並無掉以輕心，頻頻密操。日前，惠英紅陪同媽咪到屋企附近公園曬太陽，做孝順女外，亦爭取時間練身段。惠英紅安排好媽咪坐低在公園長櫈休息後，便開始熱身，跟住踢腳打側手翻，途人經過見到影后身手矯捷，忍唔住要求合照。不停做了十五分鐘練習，惠英紅才停低陪媽咪一齊分享自備飲品小休。「我一向都有keep住做運動，近排仲日日飲青藏高原牦牛奶，女人除咗身形要好，皮膚都好緊要，唔係因為頒獎禮先要操，平日都要注意，總之女人係咩歲數都要靚。」戰意十足，想再攞獎的惠英紅說。 ####


一衫兩著葉德嫻早前出席《桃姐》慈善首映，所著的透視裙，下身經修改後再影特刊。


劉德華做老闆開拍的《桃姐》，不單令葉德嫻連環掃獎，他亦有份提名最佳男主角。


身形唔弗邊有睇頭呀！（設計對白）


側手翻


飲奶補形做完運動，惠英紅即補充體力，同媽咪齊齊分享她口中日日要飲的牦牛奶。


惠英紅行攞獎運，今年憑《武俠》提名最佳女配角，又成為大熱人選。


近日無辜被牽涉入趙文卓及甄子丹是非的舒淇，雖然心情受到影響，不過拍特刊當日，依舊提起精神扮靚靚。


每人影三粒鐘，之後合成大合照。


在北京影特刊的周迅，唔夠三粒鐘即走人，據知她當晚要趕飛機到法國睇騷。


由於有兩個提名，劉青雲在特刊中要影兩個造型，其中一個是揸槍扮殺手。


桂綸鎂以超Deep V晒鑽影特刊，擺明sell氣質多過事業線。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄