父女同心
本周二（ 5日），阿 B與嘉晴一齊落樓買 Pizza，在老竇全程傍實的情況下，嘉晴直指與阿姨章小婉從冇打招呼。而事後阿 B與本刊做電話訪問時，更炮轟章家搞風搞雨愛出風頭。
護范姜
范姜涉刑事毀壞，月中再返警署報到。而事發後翌日（ 4日），阿 B陪住她從半山樓外出，到灣仔三湘大廈家樂酒家午膳，其間戴上黑超的范姜一度迴避鏡頭。
自從阿 B與章小蕙離婚後，雖然兩人協議所生的大仔嘉浚和細女嘉晴均共同撫養，但多年來嘉晴一直與阿 B和其女友范姜同住。而身為繼母的范姜亦盡力照顧嘉晴，視如己出。不過隨着近年范姜替阿 B先後誕下兩女鍾懿及鍾幗，分身不暇的她亦少不免忽略了嘉晴，加上現年 16歲的嘉晴正值青春期這反叛階段，管教亦開始出問題。「嘉晴自細見住章小蕙同阿 B成日鬧交，佢同阿哥都已經長期冇人理。到嘉晴同阿 B、范姜住，佢亦都真係變乖咗嘅。不過范姜生咗兩個女之後，嘉晴就開始有啲呷醋，漸漸愈嚟愈難教，成日駁嘴，連阿 B都冇佢符。早兩年仲試過送佢去台灣讀書，不過嘉晴成績都冇改善，冇王管之下仲拍拖㖭，阿 B最終要叫番個女返香港讀，自己可以睇實佢囉。」一位知情人士說。
今次為了嘉晴而與章小蕙妹章小婉在「大堂開拖」的范姜，當日被警方扣查 4小時後，獲准以一千元保釋外出。連日來，她即使如常外出，刻意面露笑容，但在敏感階段亦不敢多言。
相反，近日有傳身在紐約的章小蕙，為了撐妹和處理女兒的嫌疑體罰事件，日內會返港。記者曾致電章的美國手提電話，但轉駁至一位神秘男子的留言信箱，惟至截稿前仍未回覆。章小蕙現時在美從事電影融資及參與品牌收購工作，早前她曾返港亮相好友盧覓雪主持的清談節目，自爆大把人追，但據知她在港逗留期間亦未見過嘉晴。
嘉浚越洋撐范姜
身在加州，現年 21歲的阿 B大仔嘉浚，在 facebook留言力撐范姜之餘，亦鬧爆阿姨，直指若她再搞其家人，會跟她斷絕關係。
章小蕙日內返港
親妹與范姜發生「開拖事件」後，有傳章小蕙日內會返港主持大局。記者曾致電章小蕙，但一直未能接通。再致電其好友盧覓雪，她則說：「佢仲喺美國，呢一刻唔喺香港！」
章小婉封嘴
衝突事件苦主的章小婉，身為長盈集團（控股）有限公司副總裁，事發後她一直避談，依然照常出入所住的半山樓寓所。本周二，她經過事發大堂步出後，火速登上的士，全程沒有回應提問。
章父避談
創辦加拿大中文電視台的章小蕙父親章建國，表示未聯絡到章小蕙，對於女兒小婉與人爭執，則唔方便回應。
章母憂心
至於章小蕙母親周婉筠則坦言好憂心孫女，相信警方會找出真相。
周日（ 3日）范姜與章小婉在寓所大廈大堂爭執後，范被帶往中區警署。記者發現范姜起初想將事件低調處理，在警署逗留 4小時後離開，借用友人座駕之餘，亦拉上全車窗簾，無奈連日來事件鬧出軒然大波，更觸發兩家多年恩怨。
冤家路窄
06年阿 B解除破產令前，已搬進麥當勞道「惠利大廈」 2,500呎單位，月租 7萬。 08年 11月章小蕙回港，則以 5萬多元租住只一街之隔的 1,500呎半山樓。而最吊詭的是阿 B在 09年初，與范姜竟然一同搬進半山樓，造就今次范姜與章小婉狹路相逢。
本周三，阿 B被問到會否搬走，他說：「唔緊要嘅，總之我哋一家人住得開心，唔再受人騷擾，咁住邊都冇所謂。」
阿 B炮轟：佢哋鬼祟
本周二（ 5日）晚，記者致電阿 B，原本連日來都心平氣和的他，終按耐不住狂轟，更鬧爆曾接受過報章訪問，表示對孫女十分憂心的前外母周婉筠。面對范姜被捕，惹上官非，阿 B認真氣難下。
記：記者 B：鍾鎮濤
記：當日喺大堂係咪有人郁手？
B：由頭到尾都冇人俾人打，冇咁嘅事，只係有個電話跌咗落地。
記：咁警方睇咗大堂錄影帶？
B：係吖，就係咁簡單。
記：其實講到話虐兒，可大可小喎！
B：佢哋（指章家）搞咁多嘢，搞風搞雨，之後又要鬼鬼祟祟匿埋……我就光明正大嘅，個女仲要返學 o架，你問就問番佢哋想點。嗰個周婉筠（指前外母）如果要講嘢就由得佢，佢哋要出風頭，由得佢哋出飽佢！
記：知唔知章小蕙幾時返嚟？
B：呢個你問錯人，大家冇聯絡好耐。個仔 21歲，女都 16歲，佢哋自己知道發生咩事，會識講嘢。乜都唔怕，唔似有啲人匿喺後面搞咁多嘢，講到尾都係跌爛手機咁小事。
記：其實點解當年你同范姜會搬入半山樓，同章小蕙住埋同一幢樓？
B：依家講呢啲都冇意思啦！總之我身為男人，要保護我屋企人，所以我一定要講清楚，至於關於單案我就唔方便講。
48歲的章小蕙家底猛料，父親曾創辦加拿大中文電視台。而台灣出世，今年 39歲的范姜，原名是范姜素貞，有傳家勢顯赫，有九位兄弟姊妹， 96年由胞妹介紹下認識阿 B，不過范姜當時卻自稱是阿 B助手，及至阿 B和章離婚後，二人關係才得以見光。
仔女網上數臭章家
范姜和章小蕙妹起爭執，事件中，有人暗示鍾嘉晴俾人打，不過嘉晴卻連聲否認，更與身在美國的大佬嘉浚聯成一線，在網上不停數臭章家，與阿媽章小蕙及她的家人幾近水火不容。
4月 4日凌晨 1:20 嘉晴鬧冇道德
周二（ 5日），疑遭人體罰的鍾嘉晴在父親阿 B的帶領下，現身向傳媒力撐范姜：「佢對我好好。」其實早於周一（ 4日）范姜和章小蕙妹章小婉起爭執當日凌晨時分，嘉晴就在 facebook以英文留言，辱罵章小婉是惡魔，她說：「我爸爸同後母一直好錫我……點解呢個世界會有啲咁唔道德同邪惡嘅人。」
4月 4日凌晨 1:42 指阿姨無中生有
之後她更用「 anon」（ anonymouse簡寫，一個不知名人士）來形容阿姨章小婉，她說：「呢個人想傷害 auntie fanfan（范姜），仲話佢打我，點解呢個世界有啲咁嘅人去作埋呢啲故仔。」言語間相當激動。
4月 4日下午 2:39 嘉浚爆粗鬧阿姨
身在美國攻讀營養學的鍾嘉浚得悉事件發生後，隨即在 facebook發火爆粗鬧阿姨，他說：「你（章小婉）可以憎我，但如果你唔放過我屋企人，我會殺死你。」之後他更揚言隨時和章家斷絕關係。
4月 6日下午 2:00 叫阿媽死開
事件發生後三天，嘉浚終於頂唔順爆發他對阿媽章小蕙多年來的怨恨，怪責阿媽令他要離開美國，他說：「多得阿媽嘅自私，我將要離開美國同辭學，我嘅所有嘢都唔關佢事，佢應該死開，佢只顧住自己形象。佢話我攻擊佢嘅家人（指章家），我咁做都係因為佢屋企人不停向我家人施壓。」明顯嘉浚因為剛受到章小蕙壓力而留言。而且留言中經常以「我家人」和「佢家人」形容，明顯想與章家劃清界線。
4月 5日晚上 8:07 范姜暗示委屈
而捲入掟電話事件的范姜，連日來都採取封嘴態度，不過她周二（ 5日）卻在微博上透露自己受盡委屈也值得。記者在她的微博上，發現她經常上載她、阿 B兩位愛女鍾懿和鍾幗，而開拖事件後，她則上載了嘉晴及阿 B的合照。
4月 6日上午 11:36 阿 B感恩
阿 B在微博放了與嘉晴的合照，並留言表示，嘉浚嘉晴懂事，兩個細女可愛，已感恩。
心理醫生：後母處理要謹慎
今年 16歲的鍾嘉晴，在 4歲已開始和范姜一同生活，當時阿 B亦剛與范姜熱戀，三人至少同住了 12年，臨牀心理學家葉妙妍指出：「父親在這個環境下擔當的角色尤其重要，如果爸爸同後母再生小朋友，處理事件要特別謹慎，小朋友更加需要公平。」早前嘉晴曾被安排到台灣升學，唔夠一年又返港讀書，猶如人球一樣，葉說：「呢個情況未必代表會冷待呢個小朋友，最緊要女兒返嚟香港之後，爸爸同後母要好好思考一下女兒喺家庭中嘅位置。」
嘉晴早前開腔力撐范姜，甚至透露自己和母親章小蕙冇聯絡，葉說：「即使小朋友依家同後母嘅關係唔錯，但唔代表佢唔想見親生媽咪，佢喺小朋友心入面都總有一個位置。」
虐兒隨時踎監十年
今次范姜和章小蕙妹章小婉鬧上差館，有指因為有人睇唔過眼鍾嘉晴被人打至面腫流牙血，事件更嚴重到有學校社工跟進。根據香港法例，故意襲擊、虐待、忽略或遺棄負有監護責任的 16歲以下兒童，或導致該兒童受到不必要的苦楚或健康損害，即屬犯虐兒罪，最高可半監禁十年。
嘉晴唔認阿姨
眼見後母為自己而惹上官非，嘉晴亦難免心中感有愧，周二下午，放假不用返學的她，主動落樓回答記者提問，當時阿 B多次強調：「佢大個女，自己識發言，聽佢講啦！」而嘉晴所提及的內容，亦擺明要與阿姨章小婉劃清界線，突顯出范姜對她十分愛錫。
記：記者 晴：嘉晴 B：鍾鎮濤
記：范姜係咪有鬧你？
晴：冇啲咁嘅事。佢好錫我！
記：話你媽咪章小蕙會返香港？
晴：佢冇聯絡過我，所以唔知佢有冇返嚟。
之後阿 B拖住個女去買 pizza，至兩人返回半山樓時，記者再次追問。
記：你哋兩家人住埋一幢大廈，咪好易起衝突？
B：（阿 B搶住答）如果一家人住埋一齊唔受人騷擾，已經好好 o架啦！
記：你同阿姨（指章小婉）關係點，有冇打招呼？
晴：冇！一向都冇打招呼，見到都唔會打招呼。（點解？）見到都當見唔到囉。
翌日（ 6日），嘉晴放學回家時再次回應記者，其間更坦言嬲章家。
記：係咪唔想喺台灣讀書？
晴：本身掛住爹哋，唔慣自己喺嗰邊。
記：係咪唔想見到阿姨？
晴：係。有啲嬲媽咪嗰邊。
記：你阿姨話你受傷。
晴：我冇受傷……佢哋應該想搞新聞。
同住大廈出事
鍾嘉晴言詞間強調與章家不相往還，而之後她在 facebook更透露與母親章小蕙已七年冇見過面。母女關係搞成咁，十分無奈。其實早於 08年章小蕙與胞妹章小婉以月租 5萬租住半山樓單位，當時阿 B和范姜等人則居於一街之隔，位於對面的惠利大廈。至 09年阿 B又偏偏要遷入章小蕙同一幢大廈的半山樓，自此兩家人就不時「篤眼篤鼻」互不相讓。一位知情者說：「嗰時章小蕙阿媽成日話唔想個孫仔孫女搬得咁遠，咁阿 B都想仔女多啲人錫多啲人照顧，咪唔介意兩家人住咁近囉！估唔到到頭來自己捉蟲。」
章小蕙靠妹收風
縱然 B女嘉晴視章家如陌路人，但據一位知情者透露，她與阿姨其實關係不俗，「章小蕙其實有兩個妹，除咗今次同范姜爭執的章小婉，仲有個喺和記大廈返工嘅章小玲。早排章小玲仲帶埋阿媽同嘉晴去佢公司坐咗好耐㖭，而嘉晴一向都同呢個阿姨傾好多學校同屋企嘅嘢，所以即使章小蕙長期喺美國，都知嘉晴嘅近況。」
本周三（ 6日），記者致電章小玲，求證她曾帶嘉晴到其公司一事，章小玲並未否認，但問到阿 B護范姜而鬧爆章家，她即說：「我唔講嘞，多謝你，我依家忙緊，唔方便講。」之後匆匆收線。
至於今次開拖事件主角之一，任職長盈集團副總裁的章小婉，記者亦曾致電她，對於嘉晴是否遭體罰，她禮貌地說：「唔講啦，依家已經交咗俾警方處理，我真係唔好意思。」據知由於章小婉為了嘉晴遭體罰一事，曾致電告知所屬的學校，並交由社工跟進。記者再致電該學校，不過校長至本刊截稿仍未獲回覆，而社署則由發言人王小姐回應，表示「社署一般唔會評論個別家庭問題和個案，如果有人提供資料，社署都會就有關資料採取適當行動。」
互數十年
阿 B和章小蕙雖然已離婚 12年，但二人亦不時隔岸開火，互相數臭對方。
阿 B在自傳表示， 88年與章小蕙結婚，以愛字行頭，不介意花數百萬搞超豪婚禮，着一套全球只得兩套的米白色禮服，到頭來卻是離婚收場。
爭見仔女
雖然二人離婚後不久已協議共同撫養一對仔女，但亦經常為爭見仔女而公開擘面。 01年就有指阿 B阻撓章小蕙在聖誕節陪子女食飯睇戲，阿 B卻指對方講大話：「佢一個電話都冇打嚟同仔女講 Merry Christmas。」
互爆怪行
02年章小蕙和母親母女同心在雜誌中大爆阿 B拖欠學費、車上有用過嘅安全套等七宗罪，更說：「我嬲到想講粗口。」阿 B隨即反擊：「等天收佢就夠。」 08年阿 B就出自傳《麥當勞道》爆章小蕙惡行報復，踢爆當時章經常明目張膽與陳曜旻親熱。
幸災樂禍
阿 B 04年被本刊拍得背住范姜於上海攬女，其後章卻明寸：「呢篇報道係上天俾我最珍貴嘅生日禮物。」同年章小蕙宣傳《桃色》時卻自爆險患子宮頸癌，范姜聞言卻說：「阿 B可以話係走過大風大浪，章小蕙患絕症嘅消息，只係生命中嘅小插曲。」
留言列表
{{ article.title }}
