好姨雖然一把年紀，但都有唔少知心男女好友，不過好姨一直以來都有個不明文規定，就係無論係男係女幾好感情都好，平時搭膊頭就冇所謂，但再進一步 好似摸身摸勢就一定唔得，因為好姨覺得好唔習慣。

就好似早幾日好姨入電視城睇《華麗明星賽》錄影，未開場好姨當然入後台四圍八，咁就見到當晚嘉賓之一周汶錡接受記者訪問，本來一直相安無事，點知傾傾周汶錡後面突然出現怪手從後一攬，隻手重要貼住周汶錡敏感部位，嚇到周汶錡即時成個震晒，雖然後來佢知道係好朋友蔡一傑，但幾好朋友都好，咁樣從後攬腰重要咁貼近敏感部位，真係幾好朋友都假，所以當時周汶錡成個人硬晒係非常有道理，換轉係好姨，可能發脾氣兼拂袖而去！

image
 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄